شریف خاندان کیخلاف نیب ریفرنس دائرکرنے کی منظوری -
The news is by your side.

Advertisement

شریف خاندان کیخلاف نیب ریفرنس دائرکرنے کی منظوری

اسلام آباد : نیب نے نواز شریف، مریم نواز، حسن نواز، حسین نواز، کیپٹن صفدر اور اسحاق ڈار کے خلاف ریفرنس دائرکرنے کی منظوری دے دی، تمام ریفرنسز کیلئےجےآئی ٹی رپورٹ میں موجود مواد سےمدد لی جائےگی۔

تفصیلات کے مطابق سپریم کورٹ کے حکم پر عمل درآمد شروع ہوگیا، اسلام آباد میں نیب کا اجلاس چیئرمین قمر زمان چوہدری کی زیرصدارت ہوا، اجلاس میں سابق نوازشریف اور ان بچوں کےخلاف ریفرنس دائر کرنے کی منظوری دے دی گئی۔

نیب اعلامیہ کے مطابق تمام ریفرنسز کیلئے جےآئی ٹی رپورٹ میں موجود مواد سے مدد لی جائےگی، سابق وزیر خزانہ اسحاق ڈاراور کیپٹن صفدر کےخلاف ریفرنس دائرکرنے کا فیصلہ کیا گیا ہے۔

اس حوالے سے پہلاریفرنس پارک لین، ایون فیلڈ کے فلیٹس سے متعلق دائرکیا جائے گا، دوسرا ریفرنس عزیزیہ اسٹیل اورہل میٹل کمپنیوں سے متعلق ہوگا، تیسراریفرنس سپریم کورٹ کے فیصلےکے پیراگراف نمبر نو سے متعلق ہوگا جبکہ اسحاق ڈار کے خلاف وسائل سے زیادہ اثاثے رکھنے پر ریفرنس دائرہوگا۔

ذرائع کے مطابق دو ریفرنس راولپنڈی اور دو لاہورمیں دائر کیے جائیں گے جس کے لیے تمام افسران کو سارے عمل کو مستعد اور پیشہ ورانہ انداز میں دیکھنے کی ہدایت کی گئی ہے۔


مزید پڑھیں: نوازشریف کی نااہلی، کمرہ عدالت کا آنکھوں دیکھا احوال


اعلامیے کے مطابق ایف آئی اے اورنیب کےپاس دستیاب شواہد سےبھی مدد لی جائےگی، اس کے علاوہ حدیبیہ پیپرملز سے متعلق اپیل دائرکرنے کی بھی منظوری دے دی گئی ہے۔


مزید پڑھیں: پاناما کیس: وزیراعظم نوازشریف نا اہل قرار


واضح رہے کہ سپریم کورٹ نے پاناکیس میں نواز شریف کو نااہل قراردیتے ہوئے سابق وزیر اعظم اور دیگر کیخلاف نیب کو ریفرینس بھیجنے کی ہدایت کی تھی۔

Comments

comments

یہ بھی پڑھیں