The news is by your side.

Advertisement

میگا منی لانڈرنگ کیس، زرداری اور فریال تالپور کیخلاف ضمنی ریفرنس تیار

اسلام آباد: نیب نے سابق صدر آصف علی زرداری اور فریال تالپور کے خلاف میگا منی لانڈرنگ کیس میں ضمنی ریفرنس تیار کر لیا۔

تفصیلات کے مطابق زرداری اور فریال تالپور کے خلاف تیار کردہ ضمنی ریفرنس میں دونوں کے بیانات اور دوران تفتیش حاصل ہونے والے اہم ترین شواہد شامل ہیں۔

نیب ذرائع کے مطابق ضمنی ریفرنس آصف زرداری اور فریال تالپور سے تفتیش کی روشنی میں تیار کیا گیا ہے۔ ضمنی ریفرنس دائر ہونے کے بعد ملزمان پر فرد جرم عائد کی جائے گی۔

زرداری اور فریال تالپور کے بیانات جبکہ نئے اہم ترین شواہد ریفرنس کا حصہ ہیں۔ میگا منی لانڈرنگ کیس ایف آئی اے کراچی سے نیب کو منتقل ہوا تھا۔

میگامنی لانڈرنگ کیس، زرداری کےخلاف ضمنی ریفرنس دائرکرنےکا فیصلہ

احتساب عدالت ابتدائی چالان پر آصف زرداری سمیت 30 ملزمان کے خلاف ٹرائل کر رہی ہے۔ نیب نے اس کیس میں آصف زرداری اور فریال تالپور کو گرفتار کیا تھا۔

خیال رہے کہ رواں سال مئی میں قومی احتساب بیورو نے میگا منی لانڈرنگ کیس میں سابق صدر اور پیپلزپارٹی کےشریک چیئرمین آصف علی زرداری کے خلاف ضمنی ریفرنس دائر کرنے کا فیصلہ کیا تھا، جسے اب تیار کرلیا گیا ہے۔

Comments

comments

یہ بھی پڑھیں