The news is by your side.

Advertisement

شریف خاندان کے خلاف نیب ریفرنسز پر سماعت یکم اگست تک ملتوی

اسلام آباد: احتساب عدالت میں سزا یافتہ سابق وزیر اعظم نواز شریف کے خلاف العزیزیہ اور فلیگ شپ ریفرنس کی سماعت یکم اگست تک ملتوی کردی گئی۔

تفصیلات کے مطابق احتساب عدالت میں شریف خاندان کے خلاف نیب ریفرنسز کی سماعت ہوئی۔

جج محمد بشیر نے معاون وکیل سے دریافت کیا کہ نواز شریف کے وکیل خواجہ حارث کہاں ہیں۔ معاون وکیل نے جواب دیا کہ خواجہ حارث آ رہے ہیں، راستے میں ہیں۔

جج نے دریافت کیا کہ ہائی کورٹ میں کیس کی سماعت کب ہے جس پر معاون وکیل نے کہا کہ ہائیکورٹ میں کیس کی سماعت کل ہوگی۔

بعد ازاں جج محمد بشیر نے کہا کہ کل دیکھ لیتے ہیں ہائیکورٹ سے کیا ہدایات آتی ہیں جس کے بعد سماعت کو یکم اگست تک ملتوی کردیا گیا۔

واضح رہے کہ احتساب عدالت نے رواں ماہ 6 جولائی کو ایون فیلڈ ریفرنس کا فیصلہ سناتے ہوئے نواز شریف کو 11، ان کی صاحبزادی مریم نواز کو 8 اور داماد کیپٹن ریٹائرڈ صفدر کو ایک سال قید کی سزا سنائی تھی۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں