The news is by your side.

Advertisement

مریم نواز، کیپٹن (ر) صفدر کے خلاف کیسز میں نیب کا نیا خصوصی پراسیکیوٹر مقرر

اسلام آباد: مریم نواز اور کیپٹن (ر) صفدر کے خلاف کیسز میں نیب نے نیا خصوصی پراسیکیوٹر مقرر کر دیا۔

تفصیلات کے مطابق قومی احتساب بیورو نے ایون فیلڈ ریفرنس میں مریم نواز اور کیپٹن (ر) صفدر کی اپیلوں پر نیا اسپیشل پراسیکیوٹر مقرر کر دیا ہے۔

نیب نے ایڈووکیٹ اظہر صدیق کی بطور اسپیشل پراسیکیوٹر تقرری کا نوٹیفکیشن جاری کر دیا، مریم نواز ایون فیلڈ ریفرنس کی سماعت کل اسلام آباد ہائی کورٹ میں ہوگی۔

نوٹیفکیشن کے مطابق نیب نے اسلام آباد ہائیکورٹ میں درج ذیل 2 کیسز کی کارروائی کے لیے نیا اسپیشل پراسیکیوٹر مقرر کیا ہے: ایک کریمنل اپیل نمبر 122 دو ہزار اٹھارہ بعنوان مریم نواز شریف بمقابلہ ریاست، دوم کریمنل اپیل نمبر 123 دو ہزار اٹھارہ بعنوان کیپٹن (ر) محمد صفدر بمقابلہ ریاست۔

اسپیشل پراسیکیوٹر کو اختیار ہوگا کہ کارروائی کے لیے تمام ذیلی کارروائیاں انجام دے، جن میں درخواستوں پر دستخط کرنا اور متفرق جوابات دینا بھی شامل ہیں۔

Comments

یہ بھی پڑھیں