The news is by your side.

Advertisement

نیب کی کاررروائی، سندھ کے وزیر ٹرانسپورٹ کے فرنٹ مین زبردست خان مہر گرفتار

سکھر : قومی احتساب بیورو سکھر نے سندھ کے وزیر ٹرانسپورٹ اویس شاہ کے مبینہ فرنٹ مین زبردست خان مہر کو حراست میں لے لیا۔

تفصیلات کے مطابق نیب سکھر کی صوبائی وزیر ٹرانسپورٹ سید اویس قادر شاہ کے خلاف تحقیقات آخری مراحل میں ہیں۔

اس سلسلے میں نیب نے سکھر میں کارروائی کرتے ہوئے اویس شاہ کے مبینہ فرنٹ مین زبردست خان مہر کو اس کی رہائش گاہ سے گرفتار کرلیا ہے۔

ملزم پر محکمہ خوراک میں کروڑوں روپے کی کرپشن کا الزام ہے۔ اس حوالے سے ذرائع کا کہنا ہے کہ کل ملزم کو احتساب عدالت پیش کرکے پندرہ روزہ جسمانی ریمانڈ کی استدعا کی جائے گی۔

نیب ذرائع کے مطابق زبردست خان مہر پی پی رہنما خورشید شاہ اور ان کے داماد اویس شاہ کا مبینہ فرنٹ مین ہے، خورشید شاہ نے اپنی کچھ جائیدادیں زبردست خان مہر کے نام پر بھی بنائی ہیں۔

اس حوالے سے نیب نے زبردست خان مہر کو تفتیش کیلئے طلب کر رکھا تھا مگر زبردست خان مہر نے سندھ ہائی کورٹ سے عبوری ضمانت حاصل کرلی تھی۔

یاد رہے کہ آمدن سے زائد اثاثوں کے کیس میں اویس قادرشاہ بھی ضمانت قبل ازگرفتاری حاصل کرچکے ہیں، ذرائع کے مطابق بعد میں اُن کے ہمراہ روہڑی میں فارم ہاؤس کی تلاشی بھی لی گئی۔

Comments

comments

یہ بھی پڑھیں