The news is by your side.

Advertisement

نیب نے ن لیگی رہنما خواجہ آصف کو طلب کر لیا

لاہور: قومی احتساب بیورو (نیب) نے مسلم لیگ ن کے رہنما خواجہ آصف کو 26 جون کو طلب کر لیا۔

تفصیلات کے مطابق نیب لاہور نے ن لیگی رہنما خواجہ آصف کو کینٹ ہاؤسنگ سوسائٹی سیالکوٹ کیس میں 26 جون کو صبح 11 بجے طلب کیا ہے۔

نیب نوٹس میں خواجہ آصف سے پوچھا گیا ہے کہ آپ کی اہلیہ اور بچوں نے کینٹ ویوسوسائٹی میں سرمایہ کاری کے لیے فنڈز کہاں سے لیے؟

ذرائع کے مطابق خواجہ آصف پر الزام ہے کہ انہوں نے موجودہ زمین سے زیادہ فروخت کی،خواجہ آصف پر اختیارات سے تجاوز کرنے کا بھی الزام ہے، اس کیس میں خواجہ آصف کے اہل خانہ بھی شامل ہیں۔

اس سے قبل قومی احتساب بیورو (نیب) خواجہ آصف کو آمدن سے زائد اثاثہ کیس میں طلب کر چکا ہے۔

نیب اجلاس: متعدد افراد کے خلاف تحقیقات کی منظوری

یاد رہے کہ گزشتہ روز قومی احتساب بیورو (نیب) کے ایگزیکتو بورڈ نے 3 انوسٹی گیشنز کی منظوری دی تھی۔

چیئرمین نیب جسٹس (ر) جاوید اقبال کی زیرصدارت ایگزیکٹو بورڈ اجلاس میں سابق سیشن جج خضر حیات سمیت دیگر افراد کے خلاف انوسٹی گیشنز کی منظوری دی گئی تھی۔

Comments

یہ بھی پڑھیں