site
stats
پاکستان

نیشنل بینک کےصدرنیب کے سامنے پیش‘ تحقیقات کا آغاز

NAB

لاہور : نیشنل بینک کے صدر سعید احمد نیب لاہور کے سامنے پیش ہوئے ہیں جہاں ان سے تحقیقات کا سلسلہ جاری ہے۔

تفصیلات کے مطابق قومی احتساب بیورو(نیب) نے نیشنل بینک کے صدر سعید احمد کو آج طلب کیا تھا جہاں ان سے ایون فیلڈ کیس سے متعلق پوچھ گچھ کی جارہی ہے۔

نیب لاہور نے نیشنل بینک کے صدر کے علاوہ جاوید کیانی کو بھی سمن جاری کیا تھا جس میں انہیں آج نیب لاہورآفس میں پیش ہونے کا کہا گیا تھا۔

دوسری جانب وزیرخزانہ اسحاق ڈار کو بھی نیب کی جانب سے تیسری بار نوٹس جاری کردیا ہے جس میں انہیں کل نیب لاہور آفس میں پیش ہونے کا کہا گیا ہے۔


اسحاق ڈار کو نیب میں طلبی کا تیسرا سمن جاری


وزیرخزانہ اسحاق ڈار پہلے ہی نیب کے 2 سمن نظر انداز کر چکے ہیں۔ تیسرے نوٹس پر بھی پیش نہ ہوئے تو عدالت گرفتار کر کے پیش کرنے کا حکم دے سکتی ہے۔

خیال رہے کہ اس سے قبل نیب نے اسحاق ڈار، ان کی اہلیہ، ان کے بیٹوں، علی، مجتبیٰ اور بہو اسما ڈار کے اکاؤنٹس کی تفصیلات بینکوں سے طلب کی تھیں۔


پاناما کیس : نوازشریف اوران کے بچے دوسری پیشی پر بھی نہ آئے


یاد رہے کہ گزشتہ روزسابق وزیر اعظم نواز شریف اور ان کے صاحبزادے حسن اور حسین نواز بھی نیب کی جانب سے 2 بار طلب کیے گئے تاہم دونوں بار شریف خاندان کے افراد نے نیب کے سامنے پیش ہونا گوارا نہیں کیا۔


پاناما کیس: وزیراعظم نوازشریف نا اہل قرار


واضح رہے کہ سپریم کورٹ نے 28 جولائی کے فیصلے میں نواز شریف کو وزارت عظمیٰ کے لیے نا اہل قرار دیتے ہوئے شریف خاندان اور وزیر خزانہ اسحاق ڈار کے خلاف 6 ہفتوں میں نیب ریفرنسز دائر کرنے کا حکم دیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔ 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top