The news is by your side.

Advertisement

بیرون ملک فرار ہونے کی کوشش، نیب نے رانا مشہود کو 8 جولائی کو طلب کرلیا

لاہور : نیب لاہور نے پنجاب سپورٹس فیسٹیول تحقیقات میں مسلم لیگ ن کے رہنما اور سابق وزیر تعلیم رانا مشہود کو 8 جولائی کو طلب کر لیا، رانا مشہور کو ایف آئی اے امیگریشن نے بیرون ملک جانے سے روک دیا تھا۔

تفصیلات کے مطابق قومی احتساب بیورو ( نیب ) نے پنجاب سپورٹس فیسٹیول تحقیقات میں سابق صوبائی وزیر رانا مشہود کو ذاتی حیثیت میں 8 جولائی کو طلب کرلیا ۔

نیب ذرائع کا کا کہنا ہے کہ سابق صوبائی وزیر نے نیب تحقیقات سے بچنے کیلئے صبح سویرے لاہور ایئر پورٹ سے بیرون ملک فرار کی کوشش تھی۔ لیکن نیب کی جانب سے سابق صوبائی وزیر کا نام بلیک لسٹ میں ہونیکی وجہ سے ایئر پورٹ حکام نے فرار کی کوشش ناکام بنا دی۔

ذرائع کے مطابق نیب لاہور کیجانب سے سابق صوبائی وزیر کا نام ایگزٹ کنٹرول لسٹ میں شامل کرنے کی درخواست وزارت داخلہ کو دی جا چکی ہے۔

یاد رہے آج صبح سابق صوبائی وزیر رانا مشہود امریکہ جانے کے لیے لاہور علامہ اقبال انٹرنیشنل ایئرپورٹ پہنچے تو امیگریشن حکام نے انہیں روک لیا تھا ، رانا مشہود کا نام بلیک لسٹ میں ہونے کی وجہ سے امریکہ جانے والی پرواز 621 قطر ایئر ویز سے آف لوڈ کیا گیا۔

مزید پڑھیں : مسلم لیگ ن کے رہنما رانامشہود کی بیرون ملک فرار ہونے کی کوشش ناکام

ذرائع کا کہنا تھا ایف آئی اے امیگریشن نے نیب کو رات دو بجے ہی رانا مشہود کی ملک سے فرار ہونے کی ناکام کوشش کے بارے میں مطلع کر دیا تھا لیکن بار بار رابطہ کر نے کے باوجود نیب کا کوئی بھی افسر رانا مشہود کو لینے ایئرپورٹ نہیں آیا۔ جس پر امیگریشن حکام نے انہیں گھر جانے کی اجازت دے دی۔

ذرائع کے مطابق نیب رانا مشہود کے خلاف پنجاب یوتھ فیسٹیول میں کروڑوں روپے کے کرپشن اسیکنڈل کی تحقیقات کر رہا ہے اور رانا مشہود اس سلسلے میں نیب میں پیش بھی ہوچکے ہیں اور نیب کی ہی درخواست پر وزارت داخلہ نے ان کا نام بلیک لسٹ میں شامل کیا۔

Comments

comments

یہ بھی پڑھیں