The news is by your side.

Advertisement

ڈی جی سول ایوی ایشن نے جہاز کو سیر کے لیے کیوں استعمال کیا؟ نیب نے نوٹس لے لیا

اسلام آباد: چیئرمین نیب نے ڈی جی سول ایوی ایشن کے خلاف شکایات کی جانچ کا حکم دے دیا، جہاز کو سیر کے لیے استعمال کرنے پر رپورٹ طلب کر لی۔

تفصیلات کے مطابق نیب نے اسکردو میں پی آئی اے کی ائیر سفاری کی پرواز میں غیر معمولی تاخیر میں ڈی جی سی اے اے حسن بیگ کے ملوث ہونے کی تحقیقات کا حکم دے دیا۔

قومی احتساب بیورو (نیب) نے ایئر پورٹ پر مسافروں کے اڑھائی گھنٹے اذیت ناک انتظار پر ملنے والی شکایات پر نوٹس لیتے ہوئے رپورٹ طلب کر لی، شکایات سی اے اے اور پی آئی اے انتظامیہ کے خلاف کی گئی ہیں۔

چیئرمین نیب جاوید اقبال نے کہا ’بتایا جائے ایئر سفاری کو نانگا پربت پر کیسے لے جایا گیا۔‘ نیب نے اعلامیہ جاری کرتے ہوئے کہا کہ واقعے کے ذمہ داران کے خلاف قانون کے مطابق کارروائی کی جائے گی۔

چیئرمین نیب کا کہنا تھا کہ قومی ایئر لائن کی کارکردگی قوم کی امنگوں کے برعکس ہے، پی آئی اے ترقی کی بہ جائے تنزلی کی طرف جا رہا ہے، قومی سرمائے کی حفاظت نیب کی ذمہ داری ہے۔

اسکردو: پی آئی اے کی پرواز میں تاخیر، مسافر سراپا احتجاج، عدالت کا نوٹس

واضح رہے کہ اسکردو ایئر پورٹ پر پی آئی اے نے پرواز کی تاخیر کو موسم کی خرابی قرار دیا تھا، وی آئی پی فلائٹ کو موسم کی خرابی بتا کر مسافروں کو گھنٹوں انتظار کروایا گیا، مذکورہ پرواز میں ڈی جی سول ایوی ایشن حسن بیگ بھی موجود تھے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں