The news is by your side.

Advertisement

توشہ خانہ کیس : نواز شریف سے آج جیل میں پوچھ گچھ کئے جانے کا امکان

لاہور : توشہ خانہ کیس میں نیب کی جانب سے سابق وزیراعظم نوازشریف سے آج کوٹ لکھپت جیل میں پوچھ گچھ کئے جانے کا امکان ہے، نواز شریف  پر تحفےکی گاڑی اپنی ملکیت میں رکھنےکاالزام ہے اور نیب قیمتی تحفوں کے ذاتی استعمال کے بارے میں بڑے پیمانے پر تحقیقات کررہا ہے۔

تفصیلات کے مطابق قومی احتساب بیورو ( نیب ) کی جانب سے توشہ خانہ کیس میں سابق وزیراعظم نوازشریف سے پوچھ گچھ کے لیے کوٹ لکھپت جیل کے دورے کاامکان ہے ، نیب اسلام آبادکی ٹیم نواز شریف سے جیل میں تفتیش کرےگی، نیب ٹیم نے تفتیش کے لئے سوال نامہ تیار کرلیا گیا ہے۔

نیب ٹیم کوٹ لکھپت جیل میں نواز شریف کا بیان قلمبند کرےگی، نوازشریف پر تحفےکی گاڑی اپنی ملکیت میں رکھنے کا الزام ہے۔

توشہ خانہ میں بدعنوانیوں کے سلسلے میں اور توشہ خانہ میں گاڑیوں، قیمتی تحفوں کے ذاتی استعمال سے متعلق بڑے پیمانے پر نیب تحقیقات کررہاہے، سابق صدر آصف زرداری بھی اس کیس میں نامزد ہیں۔

مزید پڑھیں : توشہ خانہ کیس : نیب کو نواز شریف سے بطور ملزم تفتیش کی اجازت مل گئی

یاد رہے احتساب عدالت میں توشہ خانہ کیس میں نیب کی کوٹ لکھپت جیل میں نوازشریف سے پوچھ گچھ کی اجازت سے متعلق درخواست پر سماعت میں تفتیشی افسر نے بتایا 3 گاڑیاں زرداری جبکہ ایک گاڑی نواز شریف کے پاس ہے، گاڑیاں اس وقت کے وزیراعظم یوسف رضاگیلانی نے دیں، 4 لاکھ تک مالیت کی اشیا جو بطور تحفہ ملی وہ پاس رکھ سکتےہیں جبکہ 4 لاکھ سے زائد مالیت سمیت اورگاڑیاں بھی نہیں رکھ سکتے۔

تفتیشی افسر کا کہنا تھا سیکرٹری غیاث الدین نےسمری بھجوائی تھی، تحفےمیں ملی گاڑیاں صدر اور وزیراعظم نہیں رکھ سکتے، گاڑیاں کابینہ کوچلی جاتی ہیں ، نواز شریف والی گاڑی کی مالیت 6 لاکھ رکھی گئی۔

عدالت میں تفتیشی افسر نے بتایا بطور وزیراعظم یوسف رضاگیلانی نے مرسڈیز بینز نوازشریف کودی، گاڑی1997میں سعودی عرب نے تحفہ دی تھی، گاڑی کی مالیت کا 20فیصد ادائیگی کے عوض دیاگیا، یہ قانونی نہیں تھا، سرکاری خزانے کو بھاری نقصان پہنچایاگیا۔

ڈپٹی ڈائریکٹرنیب نے استدعا کی نوازشریف سے بطورملزم تفتیش کی اجازت دی جائے، احتساب عدالت نے درخواست منظور کرلی تھی اور نیب کو نوازشریف سے بطور ملزم تفتیش کی اجازت دے دی تھی۔

Comments

comments

یہ بھی پڑھیں