اسلام آباد : قومی احتساب بیورو ( نیب) نے توشہ خانہ کیس میں سابق وزیراعظم عمران خان، فرح خان، شہزاد اکبر اور زلفی بخاری سمیت دیگر کیخلاف کارروائی کا عندیہ دے دیا۔
تفصیلات کے مطابق نیب نے توشہ خانہ کیس میں کارروائی کا عندیہ دے دیا، نیب ذرائع کا کہنا ہے کہ نیب توشہ خانہ کیس میں تمام مرکزی کرداروں کے خلاف کارروائی شروع کرے گا۔
ذرائع کا کہنا ہے کہ توشہ خانہ کیس میں سابق وزیراعظم عمران خان،فرح خان، شہزاداکبر، زلفی بخاری سمیت دیگر کیخلاف کارروائی کی جائے گی۔
یاد رہے قومی احتساب بیورو (نیب) نے نیب نے کابینہ ڈویژن اور سرکاری توشہ خانے سے عمران خان کے تحائف کا ریکارڈ حاصل کر لیا اور کیس کی تحقیقات کا آغاز کردیا ہے۔
نیب ذرائع کا کہنا تھا کہ عمران خان کی جانب سے توشہ خانہ سے تحائف لیتے ہوئے اشیا کے کم ریٹ لگائے جانے کا انکشاف ہوا ہے، عمران خان کی توشہ خانہ سے لی گئی تین گھڑیوں کی خریداری میں اپریزر رپورٹ بھی مشکوک قرار دے دی گئی۔
نیب ذرائع کے مطابق عمران خان کی جانب سے تین قیمتی گھڑیوں گراف اور رولیکس کی انڈر انوائسنگ کا انکشاف ہوا ہے، توشہ خانہ سے تحائف خریدتے ہوئے عمران خان نے رقوم کی ادائیگی بھی کسی اور کے اکاؤنٹ سے کی۔
