The news is by your side.

Advertisement

نیب نے آصف زرداری کے قریبی ساتھی کی بے نامی جائیداد کا پتہ لگا لیا

اسلام آباد : نیب نے عبد الغنی مجید کی بے نامی جائیداد کا پتہ لگا لیا اور 5145کراچی کینٹ میں 5145مربع گز کا پلاٹ منجمد کرانے کیلئے احتساب عدالت سےرجوع کرلیا ہے۔

تفصیلات کے مطابق جعلی بینک اکاونٹس کیس میں بڑی پیش رفت سامنے آئی نیب نے عبد الغنی مجید کی بے نامی جائیداد کا پتہ لگا لیا اور کراچی کینٹ میں 5145مربع گز کا پلاٹ منجمد کرنےکا فیصلہ کرلیا۔

نیب راولپنڈی نے 5145مربع گز کا پلاٹ منجمد کرانے کیلئے احتساب عدالت سےرجوع کرلیا ہے ، جس میں کہا گیا ہے کہ جائیداد نیب کو مطلوب یونس قدوائی کے ذریعے بے نامی اکاونٹس سے خرید کی گئی اور استدعا کی گئی ہے کہ احتساب عدالت پراپرٹی منجمدکرنے کی اجازت دے۔

یاد رہے گذشتہ ماہ جعلی اکاؤنٹس کیس میں گرفتار اومنی گروپ کے سربراہ انور مجید کے صاحبزادے عبدالغنی مجید کو طبی بنیادوں پر ضمانت مل گئی تھی، عبدالغنی مجید اسلام آباد کے اسپتال میں زیر علاج رہیں گے اور ہر پیشی پر پیش ہوں گے۔

اسلام آباد ہائی کورٹ کی جانب سے جاری ہونے والے فیصلے کے مطابق عبد الغنی مجید کا پاسپورٹ نیب کے قبضے میں رہے گا۔

خیال رہے کہ 2018 میں نیب نے منی لانڈرنگ کیس میں اومنی گروپ کے سربراہ اور آصف زرداری کے قریبی ساتھی انور مجید اور ان کے صاحبزادے عبدالغنی مجید کو سپریم کورٹ سے گرفتار کیا گیا تھا جب کہ زرداری کے ایک اور قریبی ساتھی نجی بینک کے سربراہ حسین لوائی بھی منی لانڈرنگ کیس میں گرفتار ہیں۔

Comments

یہ بھی پڑھیں