The news is by your side.

Advertisement

نواز شریف اور مریم نواز کی ایئر پورٹ پر گرفتاری کے انتظامات مکمل

لاہور: سابق وزیر اعظم نواز شریف اور ان کی صاحب زادی مریم نواز کو لاہور ایئر پورٹ پر گرفتار کرنے کے انتظامات نیب نے کر لیے۔

تفصیلات کے مطابق ایون فیلڈ ریفرنس میں سزا پانے والے سابق وزیر اعظم اور ان کی بیٹی کو لندن سے واپسی پر لاہور ایئر پورٹ پر اترتے ہی گرفتار کر لیا جائے گا۔

احتساب عدالت سے سزا پانے والے دونوں مجرموں کی گرفتاری کے سلسلے میں نیب سمیت دیگر اداروں میں باہمی رابطے شروع ہو گئے ہیں۔

قومی احتساب بیورو (نیب) کے ذرائع کا کہنا ہے کہ سزا پانے والے مجرموں کو ایئر پورٹ پر ایپرن ہی سے گرفتار کیا جائے گا۔

ذرائع کے مطابق نواز شریف اور مریم نواز کی گرفتاری کے بعد دونوں کو فوری دستیاب جہاز میں اسلام آباد بھیج دیا جائے گا۔

ذرائع نے بتایا کہ جمعے کو نیب ٹیم وارنٹ گرفتاری کے ساتھ لاہور ایئرپورٹ پہنچے گی، اس سلسلے میں پیر کو احتساب عدالت سے وارنٹ حاصل کیے جائیں گے۔

نواز، مریم کا وطن واپسی کا اعلان، نیب کا مجرموں کو ایئرپورٹ سے گرفتار کرنے کا عندیہ


ذرائع کے مطابق نواز شریف اور ان کی صاحب زادی کے 13 جولائی کو لاہور پہچنے کے فیصلے کے پیشِ نظر ایئرپورٹ پر سخت سیکورٹی انتظامات ہوں گے۔

واضح رہے کہ گزشتہ جمعے کے دن احتساب عدالت نے ایون فیلڈ ریفرنس میں سابق وزیر اعظم نواز شریف اور مریم نواز کو قید اور جرمانے کی سزائیں سنادی ہیں، جس کے بعد باپ بیٹی نے آئندہ جمعے کو وطن واپسی کا اعلان کیا ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں