ٹی 20 لیگ میں افغانستان کے آل راؤنڈر محمد نبی اور ان کے بیٹے حسن عیسیٰ خیل نے تاریخ رقم کردی۔

بنگلادیش پریمیئر لیگ (بی پی ایل) میں افغانستان کے آل راؤنڈر اور ان کے بیٹے حسن عیسیٰ ایک ہی ٹیم میں کھیلنے والے باپ اور بیٹے بن گئے ہیں۔

بی پی ایل میں محمد نبی اور حسن عیسیٰ خیل نوکھالی ایکسپریس کی نمائندگی کررہے ہیں۔

افغان آل راؤنڈر نے بیٹے کے ساتھ بیٹنگ کی اور چوتھی وکٹ پر 53 رنز کی شراکت بھی قائم کی۔

یہ پڑھیں: ویڈیو: محمد نبی کو بیٹے نے پہلی گیند پر چھکا جڑ دیا

انہوں نے میچ کے بعد میڈیا سے گفتگو کرتے ہوئے کہا کہ میں اپنے بیٹے کو بھی افغانستان کی ٹیم سے کھیلتا دیکھنا چاہتا ہوں۔

اس موقع پر حسن عیسیٰ خیل نے کہا کہ ہم اچھے دوست ہیں، والد سخت مزاج نہیں لیکن ٹریننگ میں سختی کرتے ہیں، افغانستان نیشنل ٹیم کی جانب سےکھیلنا میرا خواب ہے۔

واضح رہے کہ میچ میں نوکھالی ایکسپریس نے ڈھاکا کیپیٹلزکو 41 رنز سے شکست دی تھی۔