The news is by your side.

Advertisement

محبت تو ہے ہی دھوکے کا نام، نبیل گبول

کراچی : پیپلز پارٹی کے سینئر رہنما سردار نبیل گبول کا کہنا ہے کہ محبت تو ہے ہی دھوکے کا نام، انہوں نے کہا کہ 22سال کی عمر سے سیاست میں ہوں۔

اے آر وائی نیوز کے پروگرام ہمارے مہمان میں میزبان فضا شعیب سے خصوصی گفتگو کرتے ہوئے سردار نبیل گبول نے بتایا کہ اپنے دوستوں سے کبھی دھوکہ نہیں کھایا۔

ان کا کہنا تھا کہ میں نے اپنے دشمن سیاست مین ہی بنائے اس کی بڑی وجہ یہ تھی کہ میں ہمیشہ جرائم کیخلاف لڑتا رہا، لیاری کے گینگ وار کے ساتھ سب سے بڑی دشمنی تھی۔

انہوں نے بتایا کہ 25سال کی عمر میں پہلی بار ایم پی اے بنا، شادی گھر والوں کی پسند سے کی، کھانے میں مچھلی اور بریانی پسند ہے۔

ایک سوال کے جواب میں نبیل گبول نے بتایا کہ بچوں کے ساتھ دوستی رکھنا چاہتا ہوں لیکن وہ مجھ سے فرینڈلی نہیں ہیں، میرا ایک بیٹا نادر گبول سیاست میں بھی ہے۔

نبیل گبول نے بتایا کہ میری سیاسی جدوجہد بے نظیر بھٹو کی شہادت کے بعد شروع ہوئی، میں کسی کی چاپلوسی نہیں کرتا، بے نظیرکی شہادت کے بعد پیپلزپارٹی مختلف ضرور ہے لیکن بلاول بھٹو بی بی کا ہی حصہ ہیں۔

بےنظیر بھٹو کے حوالے سے ایک واقعہ بتاتے ہوئے نبیل گبول نے کہا کہ اس وقت کے وزیر اعلیٰ جام صادق نے بے نظیر بھٹو کو روکنے کیلئے سندھ اسمبلی کا گیٹ بند کردیا تھا۔

جس پر شہید بی بی نے مجھ سے کہا کہ دیکھتے کیا ہو گاڑی گیٹ پر مار دو پھر میں نے زور سے گاڑی اسمبلی کے دروازے پر ماری اور ہم دروازہ توڑ کر اسمبلی میں داخل ہوگئے۔

Comments

یہ بھی پڑھیں