The news is by your side.

Advertisement

چوہدری نثار کو شریف برادران کا سیاسی خاتمہ نظر آ رہا ہے، نبیل گبول

اسلام آباد: پیپلزپارٹی کے رہنما نبیل گبول نے کہا ہے کہ چوہدری نثار کو شریف برادران کا سیاسی خاتمہ نظرآ رہا ہے، وہ ن لیگ کے ٹکٹ پر الیکشن نہیں لڑیں گے، چوہدری نثار پی ٹی آٗئی میں کبھی شامل نہیں ہوں گے۔

ان خیالات کا اظہار انہوں نے اے آر وائی نیوز کے پروگرام ’پاورپلے‘ میں گفتگو کرتے ہوئے کیا، نبیل گبول نے کہا کہ شریف برادران چاہتے ہیں کوئی ایسا شخص پارٹی میں سامنے آئے جو سب بالخصوص اسٹیبلشمنٹ کو بھی منظور ہو۔

انہوں نے کہا کہ ڈان لیکس پلانٹڈ تھا ایسا کچھ کیا گیا تو نتائج خطرناک ہوں گے، سابق وزیر داخلہ چوہدری نثار کو ڈان لیکس کی رپورٹ عوام کے سامنے لانا ہوگی۔

پیپلزپارٹی رہنما نے کہا کہ ن لیگی حکومت 23 ویں آئینی ترمیم لانا چاہتی ہے، ن لیگ آرٹیکل 62 میں ترمیم کرنا چاہتی ہے، حکومت آئین کے کافی آرٹیکلز میں ترمیم چاہتی ہے۔

نبیل گبول نے کہا کہ نواز شریف کے خلاف فیصلہ آنے پر جائیداد ضبط ہوسکتی ہے، وہ جیل میں زیادہ عرصے نہیں رہیں گے، نواز شریف کی گھر میں نظر بندی کا حکم آسکتا ہے، شریف خاندان کو اپنے خلاف فیصلہ آنے پر مالی مشکلات کا سامنا ہوسکتا ہے تاہم ن لیگ نے اگر الیکشن لڑنا ہے تو نواز شریف کو پاکستان واپس آنا ہوگا۔

انہوں نے کہا کہ شہباز شریف کے لیے بھی آنے والا وقت سخت ہے، وزیر اعلیٰ پنجاب بھی چکی پیسنے میں اپنے بھائی کے ساتھ ہوں گے، سعد رفیق نے آج رو رو کر بیان دیا حالات کنٹرول سے باہر ہوگئے ہیں۔

نبیل گبول نے کہا کہ ندیم افضل چن کافی عرصے سے پارٹی میں غیر متحرک تھے، کچھ سیاست دان جہاں ہوا کا رخ ہوتا ہے وہاں چلے جاتے ہیں، ندیم افضل چن چلے گئے، پنجاب سے بڑا نام پی پی میں آںے والا ہے، آنے والے دنوں میں ن لیگ سے کافی لوگ ٹوٹ کر جائیں گے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں