نیب کے تین اسپیشل پراسیکیوٹرز نے عہدوں سے استعفیٰ دے دیا، کرپشن کیسز متاثر ہونے کا خدشہ nab
The news is by your side.

Advertisement

نیب کے تین اسپیشل پراسیکیوٹرز نے عہدوں سے استعفیٰ دے دیا، کرپشن کیسز متاثر ہونے کا خدشہ

اسلام آباد: نیب کے تین اسپیشل پراسیکیوٹرز نے عہدوں سے استعفیٰ دے دیا ہے جس کے باعث کرپشن کے کیسز متاثر ہونے کا خدشہ ہے۔

تفصیلات کے مطابق نیب کے تین اسپیشل پراسیکیوٹرز کے عہدوں سے استعفیٰ دینے کے بعد کرپشن کیسز متاثر ہونے کا خدشہ پیدا ہوگیا ہے، ذرائع کے مطابق منصف جان، نسیم ملک ایڈووکیٹ پراسیکیوٹر کی حیثیت سے مستعفی ہوگئے ہیں جبکہ یاسر مغل ایڈووکیٹ بھی کنٹریکٹ کی توسیع میں دلچسپی نہیں رکھتے ہیں۔

منصف جان ایڈووکیٹ شرجیل میمن سمیت متعدد ہائی پروفائل کیسز کی پیروی کررہے تھے، تینوں کے استعفیٰ دینے کے بعد نیب کے کیس متاثر ہونے کا خدشہ ہے، نیب کے کروڑوں اور اربوں روپوں کے کرپشن ریفرنسز متاثر ہونے لگے ہیں۔

ذرائع کے مطابق کئی اہم مقدمات کی سماعت نیب پراسیکیوٹر کے موجود نہ ہونے کے باعث ملتوی کی گئی ہے، نیب پراسیکیوٹر کے موجود نہ ہونے کے باعث ملزمان براہ راست مقدمہ میں فائدہ حاصل کرسکتے ہیں۔

نیب کی جانب سے مقدمات میں متبادل پراسیکیوٹر بھی پیش نہ ہوسکے، نیب کی جانب سے سندھ کے اہم عہدوں پر تعینات افسران کے خلاف انکوائری میں بھی پراسیکیوٹرز کی معاونت سے محروم ہیں، ملزمان کے خلاف کرپشن ریفرنس ڈرافٹ بھی متاثر ہونے کا خدشہ ہے۔

خیال رہے کہ استعفیٰ دینے والے نیب پراسیکیوٹرز شرجیل میمن، محکمہ فشریز، پورٹ قاسم کرپشن اور ایس ایس جی سی سمیت دیگر اداروں میں کرپشن کیسز کی پیروی کررہے تھے۔

Comments

comments

یہ بھی پڑھیں