The news is by your side.

Advertisement

اگرپی پی کے نظریے کا نام شرجیل میمن ہے، تو پھانسی چڑھ جاؤں گا: ندیم افضل چن

اسپتالوں کی حالت، کسانوں کا حال دیکھ کر پی ٹی آئی میں آیا

ملکوال: پی ٹی آئی میں‌ شامل ہونے والے سابق پی پی رہنما ندیم افضل چن نے کہا ہے کہ اگرپی پی کے نظریے کا نام شرجیل میمن ہے، تو میں پھانسی چڑھ جاؤں گا.

ان خیالات کا اظہار انھوں نے ملکوال میں پی ٹی آئی کے جلسے سے خطاب کرتے ہوئے کیا، ان کا کہنا تھا کہ نظریے کا نام بھٹوازم ہے، تو میں کل بھی بھٹو تھا اورآج بھی بھٹو ہوں.

انھوں نے کہا میں‌ بے نظیربھٹو شہید کا آج بھی جیالا ہوں، پیپلزپارٹی چھوڑنے کا دل نہیں تھا، بلاول بھٹو کو کہتا تھا کہ آئیں اسمبلی میں اپوزیشن کی سیاست کرتے ہیں، مگر ایسا نہیں‌ ہوا، پنجاب کبھی پیپلزپارٹی کا قلعہ ہوا کرتا تھا، مگر اب شریف خاندان نے پنجاب پرقبضہ کرلیا ہے.

انھوں نے مزید کہا کہ مجھے نظریے سے زیادہ اپنی عوام پیاری ہے، اسپتالوں کی حالت، کسانوں کا حال دیکھ کر پی ٹی آئی میں آیا.

انھوں‌ نے سوال کیا کہ کیا پی پی کے نظریے کا نام شرجیل میمن ہے؟ بی بی پرظلم کابدلہ عمران خان ضرورلیں گے. عمران خان صاحب میرے صرف ایک مطالبہ ہے، اقتدار میں آنے کے بعد پی ٹی آئی کے نظریاتی کارکنوں کو نظرانداز نہ کیجیے گا.

انھوں نے کہا کہ والد صاحب کہتے ہیں کہ عمران اچھا آدمی ہے، اس کاساتھ دو، عمران خان آج سے کئی سال پہلے ہمارے گاؤں آئے تھے، عمران خان کی دوبارہ آمد پران کا شکریہ ادا کرتا ہوں.


پیپلزپارٹی کے سینئر رہنما ندیم افضل چن تحریک انصاف میں شامل


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں