اسلام آباد (8 فروری 2026): نیشنل ڈیٹا بیس اینڈ رجسٹریشن اتھارٹی (نادرا) کے سابق چیئرمین عثمان یوسف مبین کے دستخط والے شناختی کارڈز کے حوالے سے وائرل ویڈیوز کی حقیقت سامنے آگئی۔
سوشل میڈیا پلیٹ فارمز پر سابق چیئرمین نادرا عثمان یوسف مبین کے حوالے سے سرائیکی زبان میں کچھ ویڈیوز گردش کر رہی ہیں جنہیں ادارے نے غلط قرار دے دیا۔
یہ بھی پڑھیں: شناختی کارڈ سے متعلق قانون میں بڑی ترمیم
ان ویڈیوز میں سابق چیئرمین نادرا عثمان یوسف مبین کا نام غلط طور پر استعمال کیا گیا ہے اور کہا گیا ہے کہ جن شہریوں کے شناختی کارڈ پر ان کے دستخط موجود ہیں انہیں نقد امداد دی جا رہی ہے جو یکسر غلط ہے۔
ترجمان نادرا کے مطابق یہ ویڈیوز جعلی ہیں جن کے ذریعے افواہیں پھیلا کر شہریوں کو گمراہ کرنے کی کوشش کی جا رہی ہے، شہریوں سے التماس ہے کہ ایسے عناصر سے ہوشیار رہیں اور ایسی افواہوں پر یقین نہ کریں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں