اسلام آباد : پاک آئی ڈی موبائل ایپ سے ایف آر سی سرٹیفکیٹ حاصل کرنا آسان ہوگیا، جس کے ذریعے صارفین اب گھر بیٹھے چند آسان مراحل میں اسے حاصل کرسکیں گے۔
نادرا نے شہریوں کی سہولت کے لیے “پاک آئی ڈی موبائل ایپ” کے ذریعے فیملی رجسٹریشن سرٹیفکیٹ (ایف آر سی) حاصل کرنے کی سہولت فراہم کردی ہے۔
نادرا کی جانب سے جاری آگاہی پیغام کے مطابق شہری پہلے پاک آئی ڈی موبائل ایپ ڈاؤن لوڈ کریں، پھر مطلوبہ سروس کا انتخاب کرکے معلومات درج کریں اور درخواست جمع کروانے کے بعد سرٹیفکیٹ حاصل کرسکتے ہیں۔
اعلامیے میں بتایا گیا ہے کہ یہ سہولت عوام کو دفاتر کے چکر لگانے سے بچانے اور شناختی دستاویزات کے حصول کے عمل کو مزید آسان بنانے کے لیے متعارف کرائی گئی ہے۔
نادرا حکام کے مطابق شہری مزید معلومات اور رہنمائی کے لیے نادرا کی ویب سائٹ سے بھی رجوع کرسکتے ہیں جبکہ موبائل صارفین کے لیے ہیلپ لائن 1777 بھی دستیاب ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں