site
stats
بزنس

شناختی کارڈ خریداری کیلئے استعمال ہوگا، نادرا کا ماسٹر کارڈز سے معاہدہ

ڈیوس:نادرا اور گلوبل پیمنٹ انڈسٹری کی سرفہرست کریڈیٹ کارڈ کمپنی ماسٹر کارڈز کے درمیان انقلابی معاہدہ طے پاگیا جس کے  بعد اب قومی شناختی کارڈ (سی این آئی سی) خریداری اور ترسیلاتِ زر کے لیے بھی استعمال کیا جاسکے گا۔

ڈیوس میں عالمی اقتصادی فورم کے سالانہ اجلاس سے خطاب کرتے ہوئے ماسٹر کارڈ پاکستان اور افغانستان کے مینجر اورنگزیب خان نے دونوں اداروں کے درمیان معاہدہ ہونے کا اعلان کرتے ہوئے کہا کہ اس معاہدے کے ذریعے پاکستانی شہری قومی شناختی کارڈ نمبر کے ذریعے رقم کی ترسیلات آسانی سے کرسکیں گے۔

پڑھیں: ’’ یکم جنوری سے صرف اسمارٹ کارڈ جاری کیے جائیں گے، نادرا ‘‘

اورنگزیب خان نے کہا کہ اس معاہدے کے بعد نادرا کا اسمارٹ کارڈ رکھنے والا کوئی بھی پاکستانی شہری اپنے شناختی کارڈ پر درج ہندسوں کی مدد سے بیرونِ ملک اور اندونِ ملک سے آنے والی رقوم کو ماسٹر کارڈ میں منگوا سکیں گے اور اسی کے تحت آن لائن ادائیگیاں بھی کرسکیں گے، قومی شناختی کارڈ کو اے ٹی ایم کے طور پر بھی استعمال کیا جاسکے گا۔

انہوں نے کہا کہ اس معاہدے کے تحت بیرونِ ملک سے آنے والی رقوم (ریمی ٹینس) وصول کرنا نہایت آسان ہوجائے گا کیونکہ پاکستان بیرون ملک سے رقوم وصول کرنے والا بڑا ملک ہے، قومی شناختی کارڈ میں پیمنٹ فیچر شامل ہونے سےشہری ایک طاقتور اور تیز رفتار رقم کی ترسیل کرسیں گے اور حکومت کی جانب سے دی جانے والی اس سہولت سے بہتر طور پر مستفید ہوسکیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top