کاروبار یا ملازمتوں کے غرض سے کینیڈا جانے والے پاکستانی شہریوں کو بیرون ملک سفر کرنے سے پہلے نادرا سے قومی شناختی کارڈ برائے اوورسیز پاکستانی ’نائیکوپ‘ حاصل کرنا ہوتا ہے۔
نادرا کی جانب سے کینیڈا سمیت دیگر ممالک میں مقیم پاکستانی تارکین وطن کو نائیکوپ کا اجرا کیا جاتا ہے۔
بیرون ملک رہنے والے تمام شہری بغیر کسی پریشانی کے اس عمل کی پیروی کرکے نائیکوپ کارڈ حاصل کرسکتے ہیں کیونکہ یہ دوہری شہریت کی صورت میں پاکستان میں ویزا فری سفر کی اجازت دیتا ہے۔
نائیکوپ کیسے حاصل کیا جائے؟
کینیڈا اور دیگر ممالک میں مقیم پاکستانی نیا اسمارٹ نائیکوپ حاصل کرنے کے لیے متعلقہ سفارت خانوں اور نادرا سینٹرز میں جاکر اسے حاصل کرسکتے ہیں۔
دسمبر 2024 میں نائیکوپ کی فیس
نادرا اسمارٹ نائیکوپ کے لیے مختلف فیس ادا کرنی ہوتی ہے۔ نادرا کینیڈا کے لیے نائیکوپ جاری کرنے کے لیے تین کیٹیگریز، عام، ارجنٹ اور ایگزیکٹو فیس وصول کرتا ہے۔
نائیکوپ آن لائن فیس
آن لائن نارمل نائیکوپ بنوانے کے لیے شہریوں کو 39 ڈالر ادا کرنا ہوں گے، ارجنٹ فیس57 اور ایگزیکٹو فیس 75 ڈالر ہوگی۔
