کراچی (2 مارچ 2026): عوام کے لیے بڑی خبر ہے کہ نیشنل ڈیٹا بیس رجسٹریشن اتھارٹی (نادرا) کا دفتر آج سے 7 مارچ تک بند رہے گا۔
نیشنل ڈیٹابیس رجسٹریشن اتھارٹی (نادرا) کے جاری اعلامیہ کے مطابق نادرا رجسٹریشن سینٹر اورنگی ٹاؤن کراچی آج پیر 2 مارچ سے ہفتہ 7 مارچ تک توسیع اور مرمت کے لیے عارضی طور پر بند رہے گا۔
اس دوران آن لائن اپائنٹمنٹ کی سہولت بھی معطل رہے گی۔
نادرا کی جانب سے اس دوران متبادل انتظامات کے تحت مذکورہ سینٹر کے باہر ’’نادرا رجسٹریشن سینٹر، سیکٹر 11-E، محمد نگر، اورنگی ٹاؤن، کراچی‘‘ میں موبائل رجسٹریشن وین تعینات کر دی گئی ہے۔
شہری مقررہ اوقات کے دوران نادرا وین پر تشریف لا کر تمام خدمات سے استفادہ حاصل کر سکتے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں