The news is by your side.

Advertisement

آج شام یا کل تک تمام نام فائنل کرلیے جائیں گے: نعیم الحق

اسلام آباد: پاکستان تحریک انصاف کے رہنما نعیم الحق کا کہنا ہے کہ آج شام یا کل تک تمام حکومت کے لیے تمام نام فائنل کرلیے جائیں گے۔ پنجاب حکومت پر بھی خوشخبری دیں گے۔

تفصیلات کے مطابق پاکستان تحریک انصاف کے رہنما نعیم الحق کا کہنا ہے کہ مولانا فضل الرحمٰن کا کردار غیر جمہوری اور منفی ہے۔ مولانا فضل الرحمٰن نے فاٹا کے انضمام کی مخالفت کی تھی۔

نعیم الحق کا کہنا تھا کہ فضل الرحمٰن نے ہمارے امیدوار سے بری طرح شکست کھائی۔ عمران خان واضح کہہ چکے ہیں جس حلقے پر اعتراض ہے کھلوانے کے لیے تیار ہیں۔ عمران خان نے ملکی صورتحال کے پیش نظر دوستی کا ہاتھ بڑھایا تھا۔

انہوں نے کہا کہ دکھ ہے مولانا فضل الرحمٰن جیسے لوگ منفی سیاست کر رہے ہیں۔ معیشت تباہ ہوچکی ہے، فضل الرحمٰن جیسے لوگوں کو فکر ہی نہیں۔ عمران خان نے سب کی طرف دوستی کا ہاتھ بڑھایا تھا۔

نعیم الحق نے کہا کہ فضل الرحمٰن جیسے لوگ مثبت کے بجائے منفی جواب دے رہے ہیں۔ لاکھوں کی تعداد میں پیغامات آ رہے ہیں کہ تحریک انصاف جلد حکومت سنبھالے۔ آج شام یا کل تک تمام حکومت کے لیے تمام نام فائنل کرلیے جائیں گے۔

انہوں نے کہا کہ مثبت سوچ کا مثبت جواب دیں، منفی سوچ سے روڑے نہ اٹکائیں۔ کوئی بحران نہیں، عمران خان کے سب سے مشورے جاری ہیں۔ پیپلز پارٹی سے ہماری کسی قسم کا کوئی رابطہ نہیں ہے۔ چوہدری نثار ہم سے رابطہ کرنا چاہتے ہیں تو ہمارے دروازے کھلے ہیں۔

انہوں نے کہا کہ ہم چاہتے ہیں کابینہ 14 اگست تک یا اس سے پہلے حلف اٹھالے۔ پنجاب حکومت پر آج یا کل خوشخبری دیں گے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں