site
stats
پاکستان

چند روزمیں وزیراعظم کے مستقبل کا فیصلہ ہوجائیگا، نعیم الحق

اسلام آباد : پاکستان تحریک انصاف کے ترجمان نعیم الحق نے کہا ہے کہ آئندہ چندروز میں وزیر اعظم کے مستقبل کا فیصلہ کیا جائے گا، لیگی رہنماؤں کے لہجوں سے شکست کے آثار نمایاں ہیں، عدالتی کارروائی نے سچ اور جھوٹ کافرق واضح کر دیا۔

ان خیالات کا اظہار انہوں نے اسلام آباد میں میڈیا سے گفتگو کرتے ہوئے خواجہ سعدرفیق اور مریم اورنگزیب کے بیان کے ردعمل میں کیا، نعیم الحق نے کہا کہ کرپشن اور لوٹ مار کا بدترین سلسلہ جلد اپنے انجام کو پہنچے گا، عدالت میں نواز شریف نے ثبوت نہیں دیئے۔

وزیراعظم نے پامانہ کیس کی سماعت میں ہر روز نیا یوٹرن لیا ، لیگی وزراء نے ماحول خراب کرنے کی کوشش کی مگر ناکام رہے، انہوں نے کہا کہ عدالت جس طریقے سے کارروائی کر رہی ہے اس نے سچ اور جھوٹ میں فرق واضح کر دیا ہے، جلد ہی وزیراعظم کے مستقبل کا فیصلہ ہوجائےگا۔

انہوں نے کہا کہ حکومتی وکلاء بھی تاحال عدالت میں وزیراعظم کی بے گناہی کا کوئی ثبوت پیش نہیں کر سکے، انہیں صرف قطری خط کے پیچھے چھپانے کی کوشش کی جارہی ہے۔

نعیم الحق نے خواجہ سعدرفیق پر تنقید کے نشتر چلاتے ہوئے کہا کہ امید تھی آج کےحادثے کے بعد وزیر ریلوے سنجیدگی اختیار کرینگے، باعث افسوس ہے کہ سعد رفیق سیاست سے بالاتر ہونے کو تیار نہیں۔

ترجمان پی ٹی آئی نے کہا کہ ملازمین بھرتی کرکے سعد رفیق نے قوم پراحسان نہیں کیا، 10کی جگہ 100بندے بھرتی کرنا بہتری کی ضمانت نہیں، ادارےکی کارکردگی میں بہتری منصوبہ بندی سےمشروط ہوتی ہے۔

مزید پڑھیں : ریلوے کراسنگ کی تعمیر صوبائی حکومتوں کی ذمہ داری ہے، خواجہ سعد رفیق

انہوں نے سوال کیا کہ سعد رفیق نے اب تک محکمہ ریلوے کی اصلاح کیلئے کیااقدامات اٹھائے؟ حکمرانوں کا مفاد ترجیح ہو تو عوام کی اموات سےخاص فرق نہیں پڑتا، کارکردگی کی بجائےالزام لگا کر جان چھڑانے کی روایت نہیں چلے گی۔

مزید پڑھیں : عمران خان چورمچائے شور کی زندہ مثال ہیں، مریم اورنگزیب

نعیم الحق کا کہنا تھا کہ خواجہ سعد رفیق، نوازشریف کی ایماء پرگالم گلوچ کرلیں یا ریلوے پرتوجہ دیں، انہوں نے مطالبہ کیا کہ وزیر ریلوے کو اموات کاذمہ دار ٹھہرا کرسخت باز پرس کی جانی چاہئیے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top