site
stats
پاکستان

نعیم الحق ہی تحریک انصاف کے ترجمان ہیں، عمران خان

اسلام آباد: چیئرمین تحریک انصاف عمران خان نے کہا ہے کہ نعیم الحق بدستور پی ٹی آئی کے ترجمان ہیں تاہم ٹیلی ویژن پر بھیجی جانے والی ٹیم کے ممبران کی تعداد میں اضافہ کیا گیا ہے۔

ان خیالات کا اظہار انہوں نے سماجی رابطے کی ویب سائٹ پر اپنے ایک ٹوئٹ کے ذریعے کیا۔ عمران خان نے نعیم الحق کو بدستور تحریک انصاف کے ترجمان کی ذمہ داری کا اعلان کرتے ہوئے کہا کہ ٹیلی ویژن پر بھیجی جانے والی ٹیم کے ممبران میں اضافہ کیا گیا ہے۔

خیال رہے کچھ دیر قبل خبر نشر ہوئی تھی جس میں کہا گیا تھا کہ تحریک انصاف کے چیئرمین عمران خان نے معروف صحافی فواد چوہدری کو تحریک انصاف کا ترجمان مقرر  کرنے کی منظوری دے دی ہے جس کا نوٹیفکیشن سیکریٹری جنرل جہانگیر ترین جاری کریں گے۔


پڑھیں: ’’ فواد چوہدری تحریک انصاف کے نئے ترجمان مقرر ‘‘


ٹیلی ویژن پر خبر نشر ہونے کے بعد عمران خان نے سماجی رابطے کی ویب سائٹ پر اپنے ٹوئٹ کے ذریعے خبروں کی تردید کی جبکہ نعیم الحق نے بھی خبر کی تردید کرتے ہوئے کہا کہ ’’میں بطور ترجمان تحریک انصاف اپنے عہدے پر فائز ہوں جبکہ فواد چوہدری کو ٹیم میں خوش آمدید کہتا ہوں‘‘۔

 دوسری جانب فواد چوہدری نے اپنی تعیناتی پر  عمران خان کا شکریہ ادا کرتے ہوئے کہا کہ ’’میں اپنی تمام تر صلاحیتیں بروئے کار لاتے ہوئے پارٹی کا دفاع کروں گا‘‘۔ انہوں نے نعیم الحق کا بھی شکریہ ادا کرتے ہوئے کہا کہ ’’نعیم الحق میرے بڑے بھائیوں اور باس کی طرح ہیں، تحریک انصاف کے لیے اپنی تمام تر صلاحیتں پیش کرتا ہوں‘‘۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top