site
stats
پاکستان

جھوٹ اور نفرت انگیز تقاریر لیگی وزراء کا خاصہ ہے، ترجمان پی ٹی آئی

لاہور : تحریک انصاف کے ترجمان نعیم الحق نے کہا ہے کہ جائز تنقید کے جواب میں نازیبا الفاظ اور الزامات کی بوچھاڑ مسلم لیگ ن کے رہنماؤں کا خاصہ بن چکا ہے۔

تفصیلات کے مطابق وفاقی وزیر ریلوے خواجہ سعد رفیق کے بیان کے جواب میں سخت ردعمل دیتے ہوئے تحریک انصاف کے رہنما نے کہا کہ ’’ جھوٹ اور نفرت انگیز تقریر مسلم لیگ ن کے وزراء کا خاصہ ہے‘‘۔

نعیم الحق نے مزید کہا کہ خواجہ سعد رفیق چاہتے ہیں کہ ملک میں کوئی بھی شخص وزیراعظم پاکستان، مسلم لیگ ن کے وزراء کی کرپشن اور لوٹ مار پر بات نہ کرے مگر قوم کرپٹ عناصر کا احتساب کرنا جانتی ہے۔

انہوں نے کہا کہ بہتر ہوگا کہ حکمراں جماعت کے اراکین اپنی زبانوں کو قابو میں رکھیں اور مہذب انداز میں گفتگو کریں۔

دوسری جانب لاہور میں منعقدہ تقریب سے خطاب کرتے ہوئے خواجہ سعد رفیق نے عمران خان پر تنقید کرتے ہوئے کہا تھا کہ ’’ چیئرمین پی ٹی آئی کالا چشمہ اتار کر خیبر پختونخوا سے چوہے اور پولیو کے مرض کو ختم کرنے کے لیے اقدامات کریں۔

مزید پڑھیں : وزیرریلوے نے مخالفین پر ایک بار پھر ٹرین چڑھا دی

 خواجہ سعد رفیق نے پیپلز پارٹی پر تنقید کرتے ہوئے کہا کہ ’’بلاول بھٹو کرپشن کی بات کرنے سے پہلے ماضی میں جھانکیں اور ریڈ لائن کراس نہ کریں‘‘۔

انہوں نے آصف علی زرداری کی تعریف کرتے ہوئے اپیل کی کہ ’’ سابق صدر معاملہ فہم اور دور اندیش ہیں وہ ٹی اور آرز کے معاملے کو سنبھالیں اور اس مسئلے کو حل کرنے میں اپنا کردار ادا کریں‘‘۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top