اسلام آباد: وزیراعظم کے معاون خصوصی نعیم الحق کا کہنا ہے کہ مسلم لیگ ن نے اپنے خلاف سنائے جانے والے عدالتی فیصلوں پر ہمیشہ تنقید کی ہے۔
تفصیلات کے مطابق وزیراعظم کے معاون خصوصی نعیم الحق نے کہا کہ پاکستان تحریک انصاف کی حکومت نے ملک کو ترقی اور خوشحالی کی راہ پر گامزن کرنے کے لیے متعدد فلاحی منصوبے شروع کیے ہیں۔
انہوں نے کہا کہ معاشرے سےغربت، مہنگائی اوربیروزگاری کا خاتمہ کرنا موجودہ حکومت کی اولین ترجیح ہے۔
نعیم الحق نے کہا کہ مسلم لیگ ن نے اپنے خلاف سنائے جانے والے عدالتی فیصلوں پر ہمیشہ تنقید کی ہے۔ انہوں نے کہا اپوزیشن کی جماعتیں قانون کے دائرے میں رہتے ہوئے احتجاج کرسکتی ہیں۔
وزیراعظم کے معاون خصوصی نے مزید کہا عدالت مسلم لیگ ن کی نائب صدر مریم صفدر کی جانب سے دکھائی جانے والی ویڈیو کی تحقیقات کرے۔
وزیراعظم عمران خان نےپاکستانی قوم کونئی امید دی ہے ، وزیراعلیٰ پنجاب
یاد رہے کہ گزشتہ ہفتے سردار عثمان بزدار کا کہنا تھا اپوزیشن لوٹ مارکی دولت بچانے کی ناکام کوشش کررہی ہے، وزیراعظم عمران خان نے پاکستانی قوم کو نئی امید دی، شفاف قیادت ہی کرپشن فری پاکستان بنائےگی۔
وزیراعلیٰ پنجاب سردار عثمان بزدار نے مزید کہا تھا کہ جن عناصرنےقومی خزانہ لوٹاانہیں حساب بھی دینا ہوگا۔
