نعیم الحق نے مریم نواز کو 2 ارب ہرجانے کا نوٹس بھیج دیا Naeem Ul Haq
The news is by your side.

Advertisement

نعیم الحق نے مریم نواز کو 2 ارب ہرجانے کا نوٹس بھیج دیا

اسلام آباد: تحریک انصاف کے ترجمان اور چیف آف اسٹاف نعیم الحق نے مریم نواز کو 2 ارب ہرجانے کا نوٹس بھجوا دیا۔

تفصیلات کے مطابق  تحریک انصاف کے ترجمان نے مریم نواز کو جوابی ہتھک عزت کو نوٹس بھیج دیا اور پابند کیا گیا ہے کہ اس کا 15 روز کے اندر لازمی جواب دیں۔

نعیم الحق کی جانب سے بھیجے جانے والے نوٹس میں ہتک عزت اور جھوٹے میڈیا ٹرائل کے الزامات کا ذکر کیا گیا ہے اوروزیراعظم کی صاحبزادی کو پابند کیا گیا ہے کہ وہ 15 روز کے اندر جواب دیں ورنہ قانونی کارروائی کے لیے تیار ہوجائیں۔

پڑھیں: تحریک انصاف کا مریم نواز کیخلاف قانونی کارروائی کا فیصلہ

نوٹس میں کہا گیا ہے کہ اگر مریم نواذ ڈان لیکس میں ملوث نہیں تو پھر رپورٹ میں ردوبدل کیوں کیا گیا اور اُسے ابھی تک عوامی سطح پر شائع کیوں نہیں کیا گیا؟ سیکیورٹی لیکس سے متعلق کمیٹی کے تمام نوٹس اور ڈان لیکس کی رپورٹ بغیر ردوبدل فراہم کی جائے۔

مزید پڑھیں: مریم نوازڈان لیکس میں مکمل طور پر ملوث ہیں، نعیم الحق

نوٹس میں لکھا گیا ہے کہ اگر 15 روز میں جواب نہ دیا گیا تو باضابطے کے تحت قانونی کارروائی کا آغاز کیا جائیگا۔ قبل ازیں ڈان لیکس کے الزامات پر مریم نواز کی جانب سے تحریک انصاف کو نوٹس بھیجا گیا تھا۔

Comments

comments

یہ بھی پڑھیں