The news is by your side.

Advertisement

سب سے زیادہ سیٹیں کراچی سے تحریک انصاف جیتے گی: نعیم الحق

لاہور: پاکستان تحریک انصاف کے مرکزی رہنما نعیم الحق نے کہا ہے کہ آئندہ انتخابات میں سب سے زیادہ سیٹیں کراچی سے تحریک انصاف جیتے گی اور انشااللہ شہر کی سب سے بڑی جماعت بھی ہماری ہوگی۔

ان خیالات کا اظہار انہوں نے اے آر وائی نیوز کے پروگرام ’الیونتھ آور‘ میں انٹرویو دیتے ہوئے کیا، نعیم الحق کا کہنا تھا کہ پیپلز پارٹی کراچی میں 2، 3 سیٹوں سے زیادہ نہیں جیتے گی، جبکہ تحریک انصاف دیگر جماعتوں کے مقابلے میں سب سے زیادہ سیٹیں جیت کر سب سے بڑی جماعت بن جائے گی۔

انہوں نے کہا کہ کراچی کے عوام اب تمام جماعتوں کو مسترد کر دیں گے، تحریک انصاف نے نیا پاکستان کا نعرہ لگایا ہے جس کے لیے شہر کے عوام ہمارا ساتھ دیں گے، ملک کو کرپشن سے پاک کر کے ترقی کی راہ پر گامزن کریں گے۔

یہ بجٹ نہیں بلکہ حکومت کی جانب سے جمع تفریق کی مشق ہے: نعیم الحق

گذشتہ روز تحریک انصاف کے مینار پاکستان پر ہونے والے تاریخی جلسے سے متعلق نعیم الحق کا کہنا تھا کہ کل لاہور میں جو جلسہ ہوا ایسا جلسہ کافی عرصے سے نظر نہیں آیا لیکن اس جلسے سے مخالفین کو بڑی تکلیف ہوئی ہے، کل جلسے میں لاہور کے لوگ چاروں طرف موجود تھے۔

سراج الحق نے شروع ہی سے ہماری پیٹھ میں خنجر گھونپا: نعیم الحق

ان کا مزید کہنا تھا کہ میرے خیال میں 2011 کا جلسہ کل کے جلسے سے بڑا نہیں تھا، جلسوں سے ووٹر کا اندازہ لگانے کی فضول کوشش کی جاتی ہے، جلسے میں یہ دیکھنا ہوتا ہے کہ پارٹی لیڈر کا پیغام عوام تک پہنچا ہے یا نہیں پہنچا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں