The news is by your side.

Advertisement

سعودی عرب کی جیلوں میں قید ہزاروں پاکستانیوں کو واپس لایا جائے گا، دفتر خارجہ

اسلام آباد: ترجمان دفترخارجہ نفیس ذکریا نے کہا ہے سعودی عرب میں پھنسے پاکستانیوں کی  وطن واپسی کی کوششیں جاری ہیں گزشتہ ہفتے دو ہزار سے زاہد پاکستانیوں کو وطن واپس لایا گیا۔

تفصیلات کے مطابق  سعودی عرب میں پھنسے پاکستانیوں کے حوالے سے گفتگو کرتے ہوئے ترجمان دفتر خارجہ نفیس ذکریا کا کہنا تھا کہ ’’سعودی عرب کی جیلوں میں ابھی بھی ہزاروں پاکستانی موجود ہیں، جن کی وطن واپسی کی کوششیں جاری ہیں‘‘ ۔

پڑھیں: ریاض کے حراستی مرکز میں ہزاروں پاکستانیوں کی موجودگی کی اطلاع

نفیس ذکریا نے کہا کہ ’’دفتر خارجہ کی کوشش ہے کہ عید سے پہلے زیادہ سے زیادہ پاکستانیوں کو وطن واپس لایا جاسکے ۔ ترجمان دفتر خارجہ کا کہنا تھا ’’سعودی عرب میں گرفتار پاکستانیوں پر دس ہزارریال جرمانہ لگایا جاتا ہے تاہم پاکستانی سفیر نے سعودی حکام سے رابطہ کر کے ہزاروں پاکستانیوں کا جرمانہ معاف بھی کروایا ہے۔

مزید پڑھیں:  سعودی عرب کےاستحکام کے لیے پرعزم ہیں، دفتر خارجہ

ترجمان کا کہنا تھا کہ’’دفتر خارجہ  نے پہلے بھی سعودی عرب کی جیلوں میں قید پاکستانیو ں کے تحفظ کو یقینی بنانے  کے لیے متعدد اقدامات کیے گئے ہیں اور اُن پر عملدرآمد کے لیے اب بھی کوششیں کی جارہی ہیں ۔

Print Friendly, PDF & Email

Comments

comments

یہ بھی پڑھیں