The news is by your side.

کوہ پیما نائلہ کیانی کا ایک اور کارنامہ

پاکستانی خاتون کوہ پیما نائلہ کیانی نے ایک اور کارنامہ انجام دے دیا، اس بار انھوں نے دنیا کی گیارہویں بلند ترین چوٹی گاشر برم وَن (Gasher Burm One) سر کر لی۔

نائلہ کیانی پہلی کوشش میں 8 ہزار میٹر سے زیادہ بلندی والی 3 چوٹیاں سر کرنے والی پہلی پاکستانی بھی بن گئی ہیں، انھوں نے یہ اعزاز جمعہ کی علی الصبح 7 بجے حاصل کیا۔

نائلہ کیانی جو پیشے کے لحاظ سے ایک بینکر اور کوہ پیمائی کی شوقین ہیں، نے کہا: "یہ میری زندگی میں ہونے والے مشکل کاموں میں سے ایک تھا۔”

نائلہ کیانی نے مہم جوئی کی کامیابی پر بارڈ فاؤنڈیشن کے تعاون کا شکریہ ادا کیا۔

نائلہ کیانی جس گروپ میں تھی اس میں 6 پاکستانی کوہ پیما سرباز خان، شہروز کاشف، ساجد سدپارہ، سہیل سخی اور امتیاز سدپارہ شامل تھے، واضح رہے کہ گاشر برم کو ہیڈن پیک یعنی چھپی ہوئی اور مشکل ترین چوٹی بھی کہا جاتا ہے۔

پہلی بار پاکستانی خواتین نے K2 سر کر لیا

نائلہ کیانی کی آفیشل اسپانسر معروف فلاحی تنظیم بلقیس اینڈ عبدالرزاق داؤد فاؤنڈیشن کے چیئرمین نے کہا کہ نائلہ کیانی پاکستان کا فخر ہیں، وہ کامیاب مہم جوئی کے ساتھ تاریخ میں اپنا نام رقم کر رہی ہیں۔

عبدالرزاق داؤد نے کہا بارڈ فاؤنڈیشن پاکستانی نوجوانوں باالخصوص خواتین کا ٹیلنٹ سامنے لانے میں اپنا کردا ر ادا کرتی رہے گی۔

Comments

یہ بھی پڑھیں