پی ایس ایل ملک میں انٹرنیشنل کرکٹ کی بحالی کا سبب بنےگا‘نجم سیٹھی -
The news is by your side.

Advertisement

پی ایس ایل ملک میں انٹرنیشنل کرکٹ کی بحالی کا سبب بنےگا‘نجم سیٹھی

دبئی: چیئرمین پاکستان سپر لیگ نجم سیٹھی کاکہنا ہے کہ تمام محب وطن پاکستانیوں کوسلیوٹ کرتا ہوں،انہوں نےکہا کہ انشااللہ پاکستان سپر لیگ سیزن ٹو وطن عزیز میں انٹرنشنل کرکٹ کی بحالی کا سبب بنے گا۔

تفصیلات کےمطابق چیئرمین پی ایس ایل نجم سیٹھی کا کہناہےکہ یواے ای میں رہنے والےتمام پاکستانیوں کو سلام پیش کرتا ہوں انہوں نے پی ایس ایل ٹورنامنٹ کو کامیاب بنانے میں اہم کردار ادادکیا۔

نجم سیٹھی کا کہناتھاکہ پی ایس ایل فائنل کی لاہور میں تیاریاں مکمل ہےانہوں نے تمام پاکستانیوں کو دعوت دی کہ وہ جس طرح یواے ای میں کرکٹ کو سپورٹ کرنے آئےاسی جوش وخروش سےوہ قذافی اسٹیڈیم بھی آئیں اور کرکٹ سےلطف اندوز ہوں۔

مزید پڑھیں:پاکستان سپر لیگ کا فائنل لاہور میں کروانے کا حتمی فیصلہ

انہوں نے کہا کہ پی ایس ایل میں سب کچھ بہت شاندار رہا ہے،امید کرتے ہیں یہ خوشگوار یاد کی صورت میں پورے سال ذہنوں میں محفوظ رہے گا۔

مزید پڑھیں:پی ایس ایل : ٹکٹوں کے حصول کیلئے عوام کا بے پناہ رش، لمبی قطاریں

خیال رہے جب سے پاکستان کے شہر لاہور میں پی سی ایل کا فائنل کرانے کا حتمی فیصلہ سامنے آیا ہے شائقین کرکٹ کی خوشی دیکھنے والی ہے۔

مزید پڑھیں:جاوید ہاشمی نے پی ایس ایل فائنل کا ٹکٹ خرید لیا

واضح رہےکہ پاکستان کے عوام کے ساتھ ساتھ نامور سیاست دان بھی پی سی ایل کا فائنل گراونڈ میں‌دیکھنے کے لیے بےتاب ہیں۔

Comments

comments

یہ بھی پڑھیں