The news is by your side.

Advertisement

نجم سیٹھی پاکستان کرکٹ بورڈ کے نئے چیئرمین منتخب

لاہور: پاکستان سپر لیگ کے چیئرمین نجم سیٹھی ایک بار پاکستان کرکٹ بورڈ کے چیئرمین منتخب ہوگئے۔ ان کے مدمقابل کسی امیدوار نے کاغذات نامزدگی جمع نہیں کروائے۔

تفصیلات کے مطابق آج نیشنل کرکٹ اکیڈمی میں جسٹس ریٹائرڈ افضل حیدر کی زیر صدارت گورننگ بورڈ کا اجلاس ہوا۔ اجلاس کا ایک نکاتی ایجنڈا 32ویں چیئرمین پی سی بی کا انتخاب تھا۔

اجلاس میں نجم سیٹھی کو بلامقابلہ پاکستان کرکٹ بورڈ کا نیا چیئرمین منتخب کرلیا گیا۔ عہدے کے انتخاب کے لیے نجم سیٹھی کے علاوہ اور کسی امیدوار نے کاغذات نامزدگی جمع نہیں کروائے۔

واضح رہے کہ نجم سیٹھی دوسری مرتبہ کرکٹ بورڈ کے چیئرمین مقرر ہوئے ہیں۔ وہ اس سے قبل سنہ 2014 میں مختصر عرصے کے لیے اس عہدے پر رہے تھے۔

ان سے قبل پی سی بی کے چیئرمین کا عہدہ شہریار خان کے پاس تھا جس کی مدت ختم ہونے پر اب نجم سیٹھی 3 سال کے لیے عہدہ سنبھالیں گے۔

نجم سیٹھی پاکستان سپر لیگ کے چیئرمین بھی ہیں۔

اس سے قبل کرکٹ ٹیم کے سابق کپتانوں وسیم اکرم، رمیز راجہ اور راشد لطیف نے اپنا ووٹ نجم سیٹھی کے حق میں دے دیا تھا۔

وسیم اکرم کا کہنا تھا کہ بورڈ میں بہت سے لوگ آئے جنہوں نے پی ایس ایل کروانے کا وعدہ کیا لیکن پورا نہیں کرسکے۔ نجم سیٹھی نے ایونٹ کا انعقاد کر کے دکھایا۔

راشد لطیف نے امید ظاہر کی کہ نجم سیٹھی کی چیئرمین شپ میں کرکٹ بورڈ مزید ترقی کرے گا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں