پاکستان کرکٹ بورڈ مینجمنٹ کمیٹی کے چیئرمین نجم سیٹھی نے کہا کہ بابر اعظم کی تینوں فارمیٹ کی کپتانی پر سوال اٹھ رہے ہیں۔
پاکستان کرکٹ بورڈ مینجمنٹ کمیٹی کے چیئرمین نجم سیٹھی نے لاہور میں پریس کانفرنس کرتے ہوئے کہا کہ ہم سب بابر سے محبت کرتے ہیں یہ بہترین بیٹسمین ہیں۔
نائب کپتان شان مسعود کے حوالے سے انہوں نے کہا کہ آئین کے تحت چیف سلیکٹر، کپتان اور نائب کی تقرری میرا اختیار ہے اور مسعود کو مشاورت کے بعد نائب کپتان بنایا تھا۔
نجم سیٹھی نے کہا کہ پی سی بی میں نوکریوں کی سفارش کا بہت دباؤں ہوتا ہے، میں سلیکٹر، چیف سلیکٹر اور کپتان کی تعیناتی پر کسی کی سفارش نہیں سنتا ہوں۔
واضح رہے کہ اسی ماہ پی سی بی نے ہوم سیزن کے اختتام پر ٹیم کی کارکردگی کا تفصیلی جائزہ لینےکا فیصلہ کیا تھا۔
اس حوالے سے ذرائع نے بتایا تھا کہ بورڈ تینوں فارمیٹ کے لیے الگ الگ کپتان بنانا چاہتا ہے، بورڈ بابر اعظم کو صرف ایک فارمیٹ کا کپتان رکھنے پر غور کر رہا ہے۔