ایشیا کپ پاکستان میں کرانے کا مشن، نجم سیٹھی جمعہ کو دبئی روانہ ہوں گے

ایشیا کپ 2023 پاکستان میں کرانے کے مشن کے لیے چیئرمین نجم سیٹھی جمعہ کو دبئی جائیں گے۔

تفصیلات کے مطابق چیئرمین پی سی بی نجم سیٹھی ایشین کرکٹ کونسل کے حکام سے ملاقات کریں گے۔

ملاقات میں چیئرمین پی سی بی نجم سیٹھی اے سی سی، بی سی سی آئی کو ایشیاکپ کی میزبانی سے متعلق بریفنگ دیں گے۔

واضح رہے کہ پاکستان 2023 میں 50 اوور کے ایشیا کپ کی میزبانی کرے گا جس کے بعد ورلڈ کپ بھارت میں ہوگا۔

ایشین کرکٹ کونسل کے سربراہ اور بھارتی کرکٹ بورڈ کے سیکریٹری جے شاہ نے کہا تھا کہ بھارتی ٹیم 2023 میں ہونے والے ایشیا کپ میں شرکت کے لیے پاکستان کا دورہ نہیں کرے گی۔

Comments