ایف آئی اے کھلاڑیوں سے تحقیقات روک دے، نجم سیٹھی najem sethi objection on fia about spot fixing
The news is by your side.

Advertisement

ایف آئی اے کھلاڑیوں سے تحقیقات روک دے، نجم سیٹھی

کراچی: پاکستان کرکٹ بورڈ کے بعد اب چیئرمین پی ایس ایل نجم سیٹھی نے بھی ایف آئی اے کی کھلاڑیوں سے تحقیقات پر اعتراض کردیا۔

اطلاعات کے مطابق پی ایس ایل اسپاٹ فکسنگ اسکینڈل میں معطل ہونے والے پانچ کھلاڑیوں سے ایف آئی اے کی جانب سے تحقیقات کے معاملے پر پاکستان کرکٹ بورڈ نے اعترا ض کیا تھا ، اب چیئرمین پی ایس ایل نجم سیٹھی کو بھی اس بات پر اعتراض ہے۔

ایک بیان میں نجم سیٹھی نے کہا ہے کہ ایف آئی اے کی انکوائری ہمارے لیے مسئلہ بن سکتی ہے،آئی سی سی کارروائی پر اعتراض کرسکتا ہے،ایف آئی اے سے کہیں گے کہ کارروائی روک کر ہمیں کام کرنے دیں۔

انہوں نے مزید کہا کہ کھلاڑیوں کے خلاف پی سی بی کی جانب سے تحقیقات جاری ہیں جسے مکمل کرکے ایف آئی اے کو دیں گے۔


یہ پڑھیں: سٹے باز نے 40 لاکھ روپے کی پیشکش کی، خالد لطیف، بیانات ریکارڈ


 خیال رہے کہ آج ہی لاہور میں پاکستانی کرکٹرز خالد لطیف اور محمد عرفان نے ایف آئی اے کے سامنے جرم تسلیم کرنے سے انکار کردیا اور کہا ہے کہ بکیز نے رابطہ ضرور کیا لیکن ہم نے ان کی پیشکش ٹھکرا دی۔

یہ بھی پڑھیں: اسپاٹ فکسنگ میں ملوث کرکٹرز کے نام ای سی ایل میں شامل

  خالد لطیف نے کہا کہ مجھے بکیز نے چالیس لاکھ روپے کی آفر کی جسے قبول نہ کیا جب کہ محمد عرفان نے کہا کہ بکیز نے آفرز ضرور دیں لیکن انہیں قبول نہیں کیا، والدہ کی طبیعت خراب تھی اس لیے بورڈ کو آگاہ کردیا۔

Comments

comments

یہ بھی پڑھیں