تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

وزیراعظم عمران خان بَبر شیر ہیں، جو محبت میں نفع نقصان نہیں دیکھتے، سدھو

کرتارپور : سابق بھارتی کرکٹر نوجوت سنگھ سدھو نے کہا کہ وزیراعظم عمران خان بَبر شیر ہیں، جو محبت میں نفع نقصان نہیں دیکھتے، سکندر نے ڈرا کر دنیا جیتی،عمران خان نے دل دے کر دنیا جیتی، ایک جھپی سے راہداری کھل سکتی ہے تو جھپیاں ڈالنے سے باقی مسائل بھی حل ہوسکتے ہیں۔

تفصیلات کے مطابق سابق بھارتی کرکٹر نوجوت سنگھ سدھو نے کرتارپورراہداری کی افتتاحی تقریب سے خطاب کرتے ہوئے کہا کہ کچھ لوگ عمران خان جیسے ہوتے ہیں جو اتہاس بنایا کرتے ہیں، سکھ قوم دیکھنے میں ایک فیصد ہے لیکن دبدبہ زیادہ ہے۔

نوجوت سنگھ سدھو کا کہنا تھا کہ ڈنکےکی چوٹ پرکہتاہوں سکھ قوم عمران خان کو جہاں لے جائے گی آپ کوپتہ نہیں لگےگا ، سکھ قوم کی آواز بن کر بول رہا ہوں، عمران خان کی خاطر دل کا نذرانہ لے کر آیا ہوں۔

سابق بھارتی کرکٹر نے کہا یہاں کہاں کا انصاف ہے کہ کوئی اپنےوالد کےگھرتک نہ جاسکے، سکھوں کی چار نسلیں اپنے والد کے گھر آنے کے لئے ترستی رہیں، سکندر نے ڈرا کر دنیا جیتی،عمران خان نے دل دے کر دنیا جیتی، عمران خان دلوں پر راج کرتے ہیں۔

ان کا کہنا تھا کہ 14کروڑ سکھوں کےدلوں کی آواز بن کر بول رہا ہوں، پاک بھارت تقسیم کےوقت لوگ خون میں لت پت ہوئے، پاکستان کے نیک وزیراعظم نے کرتارپور راہداری کھولی، سب نفع نقصان دیکھتے رہے یہ پہلا ببر شیر وزیراعظم ہے، جس نے دل کی بات سنی۔

سدھو نے مزید کہا بہت سے سیاسی رہنما دیکھے جن کے دل چڑیا کی طرح ہوتےہیں، وزیراعظم عمران خان کادل بہت بڑا ہے، سکھوں کی4نسلوں نے جوسپنا دیکھا تھا وہ عمران خان نے پورا کردیا۔

ان کا مزید کہنا تھا کہ وزیراعظم عمران خان شیر ہیں جو محبت میں نفع نقصان نہیں دیکھتے، انھوں نے دنیا کو دکھا دیا یاری کیسے نبھائی جاتی ہے۔

نوجوت سنگھ نے کہا کہ بارڈرکھول دیں تو ازبکستان،تاجکستان،امرتسرتک لوگ آجاسکیں، خواہش ہے امرتسر سے لوگ صبح ناشتہ کرکے نکلیں، لاہورمیں آکر بریانی کھائیں، ایک جھپی سےراہداری کھل سکتی ہےتوجھپیاں ڈالنےسےباقی مسائل بھی حل ہوسکتے ہیں۔

Comments

- Advertisement -