شوبز انڈسٹری کے ابھرتے ہوئے اداکار نمیر خان نے افسوسناک خبر مداحوں کے ساتھ شیئر کردی۔
اے آر وائی ڈیجیٹل کے ڈرامہ سیریل ’میں‘ سے نمیر خان نے اداکاری کا آغاز کیا اور اس کے بعد کئی ہٹ ڈراموں میں اداکاری کے جوہر دکھا چکے ہیں۔
تاہم حال ہی میں نمیر خان نے انسٹاگرام پر ننھے بھتیجے کے ساتھ تصویر شیئر کی اور بتایا کہ ان کے بھتیجے کا انتقال ہوگیا ہے۔
اداکار کے بھتیجے کے انتقال کی خبر پر مداحوں کی جانب سے افسوس کا اظہار کیا تاہم انہوں نے بعد یہ پوسٹ انسٹاگرام اکاؤنٹ سے ہٹا دی ہے۔
نمیر خان کے بھائی سمیر نواز خان نے بھی سوشل میڈیا پر اپنے بیٹے کے انتقال کی تصدیق کرتے ہوئے دکھ اور صبر کا اظہار کیا۔
انہوں نے لکھا کہ ہر چیز اللّٰہ تعالیٰ کی امانت ہے اور اسی کی طرف لوٹ کر جانا ہے۔
