لاہور: سرکاری اسپتالوں کے ڈیپارٹمنٹس کا نام وزیراعلیٰ مریم نواز کے نام سے منسوب کرنے کا اقدام چیلنج کردیا گیا۔
تفصیلات کے مطابق سرکاری اسپتالوں کے ڈیپارٹمنٹس کا نام وزیراعلیٰ مریم نواز کے نام سے منسوب کرنے کیخلاف درخواست دائر کردی گئی۔
درخواست شہری مشکور حسین نے ندیم سرورایڈووکیٹ کی وساطت سے دائر کی ، جس میں کہا وزیراعلیٰ بننے کے بعد مختلف اسپتالوں کے ڈیپارٹمنٹس کانام مریم نواز کےنام پررکھاجارہاہے۔
درخواست میں کہا گیا ہے کہ قومی عمارتوں کےنام ملک کیلئے گرانقدر خدمات انجام دینے والوں کے نام سے منسوب کیے جاتے ہیں، وزیراعلیٰ کے نام سے سرکاری عمارات کو منسوب کرنا غیر آئینی اقدام ہے۔
درخواست میں درخواست میں استدعا کی گئی کہ سرکاری عمارات کو حکومتی شخصیات کے ناموں سے منسوب کرنے سے روکنے کا حکم دیا جائے۔
عابد خان اے آروائی نیوز سے وابستہ صحافی ہیں اور عدالتوں سے متعلق رپورٹنگ میں مہارت کے حامل ہیں