The news is by your side.

Advertisement

بالی ووڈ اداکار پر جنسی ہراساں کرنے کا الزام

ممبئی: بالی ووڈ اداکارہ تنوشری دتہ نے الزام عائد کیا ہے کہ 10 برس قبل نامور اداکار نانا پاٹیکر  نے انہیں جنسی طور پر ہراساں کیا تھا۔

بھارتی میڈیا سے بات کرتے ہوئے تنوشری کا کہنا تھا کہ ’میں آج نام لے کر بتانا چاہتی ہوں کہ نانا پاٹیکر میرے ساتھ 2008 میں ایک فلم کی شوٹنگ کررہے تھے، اس دوران وہ بہت غلط طریقے سے پیش آئے‘۔

اداکارہ نے جنسی ہراسگی کا الزام عائد کرتے ہوئے کہا کہ ’نانا پاٹیکر نے میرے ساتھ ایک گانے پر ڈانس کرنے کی شرط بھی رکھی اور زبردستی رقص بھی کیا‘۔

تنوشری کا کہنا تھا کہ میں نے اداکار کی حرکت کے خلاف آواز بھی اٹھائی مگر فلم پروڈیوسر اور ہدایت کار سمیت کسی نے بھی میرے بات کو کوئی اہمیت نہیں دی اور اُسے ٹال دیا۔

بات یہاں ختم نہیں ہوئی بلکہ بالی ووڈ اداکارہ نے نانا پاٹیکر پر یہ بھی الزام عائد کیا کہ وہ دیگر اداکارؤں کو بھی جنسی طور پر ہراساں کرچکے ہیں کیونکہ وہ عام طور پر خواتین کے ساتھ غیر اخلاقی طریقسے سے پیش آتے ہیں۔

اُن کا کہنا تھا کہ اداکار کی حقیقت اور اُن کے گھناؤنے چہرے سے ہر کوئی واقف ہے مگر کسی میں اتنی ہمت نہیں کہ وہ سچ بول سکے۔ انہوں نے کہا کہ میرے بات کی تصدیق انڈسٹری میں آنے والی نئی اداکاارئیں بھی کریں گی۔

دنیا بھر میں جنسی ہراساں کرنے کے خلاف جاری مہم ’می ٹو‘ پر تبصرہ کرتے ہوئے اُن کا کہنا تھا کہ ایسی آگاہی مہم بالی ووڈ میں نہیں آسکتی کیونکہ یہاں جس کا بس چلے وہ اداکارؤں کو جنسی ہراساں کرتا ہے۔

Comments

comments

یہ بھی پڑھیں