The news is by your side.

Advertisement

نند اور بھابھی کے رشتہ سے متعلق خواتین کی رائے، ویڈیو دیکھیں

 کراچی : شادی کے بعد لڑکی کا تعلق صرف اس کے شوہر سے ہی نہیں بلکہ سسرال میں شامل ہر ایک فرد سے ہوتا ہے جن میں ساس، جیٹھانی، دیورانی، نند خصوصی طور پر شامل ہیں، معاشرتی حوالے سے یہ ایسے رشتے ہیں جو صدیوں سے لڑائی جھگڑے کے معاملات میں کافی مقبولیت رکھتے ہیں۔

کبھی ساس کو بہو سے شکایت ہے تو کبھی نند بھابھی کے درمیان ہونے والی نوک جھوک اور کبھی دیورانی اور جیٹھانی میں انا کا مسئلہ جھگڑوں کا باعث بنتا ہے جس کی وجہ اکثر گھروں میں تناؤ کی سی کیفیت رہتی ہے۔

اس قسم کے جھگڑوں کے موضوعات پر ڈرامے اور فلمیں بھی تیار کی جاتی ہیں، ان کے کرداروں میں بھی نند اور بھابھی کے رشتے کو ایک دوسرے کا دشمن بتایا جاتا ہے لیکن کیا یہ حقیقت ہے؟ جس طرح پانچ انگلیاں برابر نہیں ہوتیں اسی طرح ہر بھابھی اور ہر نند جھگڑالو نہیں ہوتی۔

اس حوالے سے اے آر وائی ڈیجیٹل کے پروگرام گڈ مارننگ پاکستان میں ایک سروے رپورٹ نشر کی گئی ہے جس میں کچھ خواتین اور لڑکیوں سے نند بھاوج کے رشتے سے متعلق ان کے خیالات سے آگاہی لی گئی۔

اس گفتگو میں کچھ خواتین نے اپنی بھابھیوں کی شکایت کی تو کسی نے نند کو مورد الزام ٹھہرایا، ایک خاتون کا کہنا تھا کہ جب ہم کسی کی بہن بیٹی کو بیاہ کر گھر لاتے ہیں تو ہمیں چاہیے کہ اس لڑکی کو بھی تھوڑا ٹائم دیں تاکہ وہ ہمارے گھر کو سمجھ سکے۔

پچھلے وقتوں میں ان خرافات کو زیادہ ہوا دی جاتی تھی لیکن وقت کے ساتھ ساتھ ان رشتوں میں بھی مثبت  تبدیلی دیکھنے میں آرہی ہیں، آج کی نند اپنی بھابھی کی بہن بھی ہے اور سہیلی بھی، بس ہمیں اپنی سوچ کو منفی خیالات سے پاک رکھنے کی ضرورت ہے۔

Comments

یہ بھی پڑھیں