ننکانہ صاحب کے ہاسٹل میں تمام اہم شخصیات کے کمروں کے کوٹے منسوخ -
The news is by your side.

Advertisement

ننکانہ صاحب کے ہاسٹل میں تمام اہم شخصیات کے کمروں کے کوٹے منسوخ

لاہور : چیئرمین متروکہ وقف املاک بورڈ صدیق الفاروق نے کہا ہے کہ پاکستان سکھ گورودوارہ پربندھک کمیٹی نے ننکانہ صاحب میں یاتریوں کے ہاسٹل میں ارکان اسمبلی سمیت اہم شخصیات کے کمروں کے کوٹے منسوخ کر دیئے ہیں۔

لاہور میں سکھ گورودوارہ پربندھک کمیٹی کے پربندھ سردار شام سنگھ اور دیگر حکام کے ہمراہ کیمپ آفس میں پریس کانفرنس کرتے ہوئے متروکہ وقف املاک بورڈ کے چیئرمین صدیق الفاروق کا کہنا تھا کہ ننکانہ صاحب کے یاتری ہاسٹل میں رہائشی کمرے آئندہ صرف بیرون ملک سے آنے والے یاتریوں کو ترجیحی بنیادوں پر دیئے جائیں گے۔

انہوں نے کہا کہ بابا گرونانک دیو جی ماڈل ہائی اسکول کا انتظامی کنٹرول بھی پربندھک کمیٹی کے حوالے کرنے کا فیصلہ کیا گیا ہے۔

پربندھک کمیٹی نے گروگرنتھ صاحب کے ضائع شدہ صفحے کرتار پور میں انگھیٹا کے حوالے کرنے کا فیصلہ کیا ہے۔

انہوں نے بتایا کہ گورودوارہ پربندھک کمیٹی میں گرو گرنتھ صاحب کی پرنٹنگ کیلئے ننکانہ صاحب میں پرنٹنگ پریس لگانے کیلئے بھی مشاورت کی گئی ہے۔

Comments

comments

یہ بھی پڑھیں