سرینا ولیمز کو یوایس اوپن فائنل میں شکست، ریکٹ توڑ ڈالا، ریفری سے لڑ پڑیں serena williams
The news is by your side.

Advertisement

سرینا ولیمز کو یوایس اوپن فائنل میں شکست، ریکٹ توڑ ڈالا، ریفری سے لڑ پڑیں

نیویارک: یوایس اوپن ٹینس ٹورنامنٹ کے فائنل میچ میں سرینا ولیمز کو جاپان کی ناؤمی اوساکا نے اپ سیٹ شکست دی جس پر سرینا ولیمز نے غصے میں اپنا ریکٹ توڑ ڈالا اور ریفری سے الجھ پڑیں۔

تفصیلات کے مطابق نیویارک میں ہونے والے گرینڈ سلم چیمپئن شپ کے فائنل میچ میں جاپان کی ناؤمی اوساکا نے سرینا ولیمز کو اپ سیٹ شکست دے کر ٹائٹل جیت لیا، امریکی ٹینس اسٹار شکست پر آگ بگولہ ہوگئیں اپنا ریکٹ توڑ دیا اور ریفری سے لڑ پریں۔

جاپان کی ناؤمی اوساکا یو ایس اوپن کی کوئن بن گئیں، فائنل میں سرینا ولیمز کو اسٹریٹ سیٹس میں شکست ہوئی، ریفری نے سرینا کے کوچ کو میچ میں مداخلت پر منع کیا جس پر سرینا امپائر سے الجھ پڑیں اور کہا کہ چیٹنگ نہیں کررہی، دوسرے سیٹ میں سرینا پھر اپنا آپا کھو بیٹھیں اور غصہ میں آکر اپنا ریکٹ توڑ ڈالا۔

یو ایس اوپن کا ٹائٹل ہاتھ سے نکل جانے پر سرینا ولیمز نے امپائر کو چور اور جھوٹا کہہ دیا، غصے سے لال سرینا نے فائنل ہارنے پر امپائر سے ہاتھ تک نہیں ملایا۔

پہلی بار گرینڈ سلم جیتنے پر جاپان کی ناؤمی اوساکا آبدیدہ ہوگئیں، ناؤمی اوساکا نے امریکی ٹینس اسٹار سرینا ولیمز کو 6-2 اور 6-4 سے اپ سیٹ شکست دی، میچ کے اختتام پر ریفری نے جاپانی کھلاڑی کی جیت کا اعلان کیا تو سرینا ولیمز آنسوؤں سے رونے لگیں۔

سرینا ولیمز کا کہنا تھا کہ میں نے کئی مرد ٹینس اسٹارز کو کورٹ میں ریکٹ پٹختے دیکھا ہے تاہم کبھی کسی امپائر نے اس پر پنالٹی نہیں دی لیکن ایک خاتون ٹینس اسٹار ہونے کی وجہ سے میرے ساتھ صںفی امتیاز برتا گیا اور پنالٹی دے دی گئی، میں خواتین کے حقوق کے لیے لڑتی رہوں گی۔

Comments

comments

یہ بھی پڑھیں