اسلام آباد : وزیر اعظم میاں محمد نوازشریف کی ہدایت پر نیشنل ایکشن پلان پر عملدرآمد اور مانٹرنگ کے لیے اشتر اوصاف کی سربراہی میں ذیلی کمیٹی قائم کردی گئی۔
تفصیلات کے مطابق نیشنل ایکشن پلان پر عملدرآمد اور آئندہ کی حکمت عملی کے لیے وزیر اعظم کی خصوصی ہدایت پر ذیلی کمیٹی کا قیام عمل میں لایا گیا جس کی سربراہی اشترو اوصاف کے سپرد کی گئی ہے. کمیٹی کا پہلا اجلاس پیر کے روز لاہور میں طلب کیا گیا ہے۔
پڑھیں: نیشنل ایکشن پلان پرعمل نہ ہونے سے آپریشن ضرب عضب متاثر ہوا،آرمی چیف
ذیلی کمیٹی میں چاروں صوبوں بشمول گلگت بلتستان اور آزاد کشمیر کے سیکریٹریز، داخلہ و قانون کو شامل کیا گیا ہے،جو نیشنل ایکشن پلان پر عملد درآمد کا جائزہ لے گی اور آئندہ کی حکمت عملی بھی مرتب کرے گی۔
اٹارنی جنرل کی سربراہی میں بنائی جانے والی کمیٹی 2 ماہ کے اندر وزیر اعظم کو رپورٹ پیش کرے گی اس ضمن میں قانونی و آئینی ماہرین مختلف پہلوؤں سے جائزہ لے کر اس میں آنے والی خامیوں کو دور کرنے کے لیے اپنی تجاویز پیش کریں گے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں