The news is by your side.

Advertisement

ناپا کا بین الاقوامی تھیٹر اور موسیقی میلہ

کراچی: روشنیوں کے شہر کراچی میں ناپا کی جانب سے انٹرنیشنل تھیٹر اینڈ میوزک فیسٹیول سج گیا۔ 2 اپریل تک جاری رہنے والے اس میلے میں بے شمار ملکی اور غیر ملکی فنکار اپنے فن کا مظاہرہ کر رہے ہیں۔

نیشنل اکیڈمی آف پرفارمنگ آرٹس ناپا کی جانب سے منعقد کیا جانے والا یہ چھٹا فیسٹیول ہے۔ اس برس میلے کی ایک خاص بات ایک فلسطینی طائفے کی شرکت ہے۔

napa-2

دو ہفتے سے زائد جاری رہنے والے اس فیسٹیول میں ڈرامے اور رقص پر مبنی 24 پروگرامز پیش کیے جائیں گے۔

میلے کا آغاز جرمن فنکاروں کے رقص اور موسیقی پر مبنی ڈرامے سے کیا گیا ہے۔ یہ ڈرامہ ’ہوٹل پروپیگنڈا‘ گوئٹے انسٹیٹیوٹ پاکستان کے تعاون سے جرمن ڈائریکٹر اور کوریو گرافر بریگل گیوکا کا پیش کردہ ہے۔

napa-4

napa-5

میلے کی رونق بڑھانے والا فلسطینی طائفہ آج (18 مارچ کو) ’ریٹرن ٹو پیلسٹائن‘ نامی تھیٹر ڈرامہ عربی اور انگریزی زبان میں پیش کرے گا جس کی ہدایات میکائلا مرنڈا نے دی ہیں۔

napa-10

یہ ڈرامہ ایک ایسے فلسطینی نژاد امریکی شخص کے گرد گھومتا ہے، جو پہلی بار فلسطین آتا ہے اور خبروں میں دکھائے جانے والے ملکی حالات سے یکسر مختلف حالات کا سامنا کرتا ہے۔

بین الاقوامی فیسٹیول میں جرمنی اور فلسطین کے علاوہ امریکا، برطانیہ، نیپال اور اٹلی سے آئے ہوئے طائفے بھی اپنے فن کا مظاہرہ کر رہے ہیں۔ اس کے علاوہ پاکستانی فنکار خصوصاً ناپا کے زیر تربیت اور فارغ التحصیل طالب علم بھی اپنے پروگرام پیش کریں گے۔

napa-3

فیسٹیول میں یکم اپریل کو شیما کرمانی کا ایک پلے بھی پیش کیا جائے گا، جس کا نام ’گاؤں میں روشنی‘ ہے۔ اس سے پہلے 29 مارچ کو علامہ اقبال کی شکوہ اور جواب شکوہ پر بھی پرفارم کیا جائے گا۔

napa-8

napa-9

رقص، موسیقی اور اسٹیج پرفارمنسز پر مبنی اس میلے میں مسلسل 18 دن تک شائقین مختلف اوقات میں ہر روز 2 پرفارمنسز دیکھ سکیں گے۔

اردو زبان میں مقامی فنکاروں کے پیش کردہ ڈرامے شام 6 بجے جبکہ بین الاقوامی فنکاروں کی پرفارمنسز روزانہ رات 8 بجے پیش کی جائیں گی۔

فیسٹیول میں پیش کیے جانے والے پروگرامز کی مکمل فہرست

napa-7

napa-6

Print Friendly, PDF & Email

Comments

comments

یہ بھی پڑھیں