نقیب اللہ قتل کیس:عدالت کا 19 فروری کو ملزمان پرفرد جرم عائد کرنے کا فیصلہ -
The news is by your side.

Advertisement

نقیب اللہ قتل کیس:عدالت کا 19 فروری کو ملزمان پرفرد جرم عائد کرنے کا فیصلہ

کراچی: انسداد دہشت گردی عدالت نے نقیب اللہ محسود قتل کیس میں مفروری ملزمان کو اشتہاری قرار دیتے ہوئے کیس کی سماعت 19 فروری تک ملتوی کردی۔

تفصیلات کے مطابق انسداد دہشت گردی عدالت میں نقیب اللہ محسود قتل کیس کی سماعت کے دوران سابق ایس ایس پی راؤ انوار، ڈی ایس پی قمر سمیت دیگر ملزمان پیش ہوئے۔

تفتیشی افسر اے آئی جی ویلفیئرڈاکٹر رضوان نے عدالت میں سماعت کے دوران بتایا کہ مفرورملزمان کو اشتہاری قراردینے کی کارروائی مکمل ہوگئی۔

انسداد دہشت گردی عدالت نے مفرور ملزمان کو باضابطہ طور پراشتہاری قرار دے دیا۔

اشتہاری ملزمان میں سب انسپکٹر امان اللہ مروت، اے ایس آئی گدا حسین، ہیڈ کانسٹیبل محسن عباس، سب انسپکٹرشیخ محمد شعیب، عرف شعیب شوٹر، ہیڈ کانسٹیبل صداقت حسین شاہ، راجہ شمس مختار، رانا ریاض احمد شامل ہیں۔

انسداد دہشت گردی عدالت نے نقیب اللہ محسود قتل کیس کی سماعت 19 فروری تک کے لیے ملتوی کرتے ہوئے کہا کہ آئندہ سماعت پر ملزمان پرفرد جرم عائد کی جائے گی۔

نقیب اللہ اورساتھیوں کا قتل ماورائےعدالت قرار

یاد رہے کہ گزشتہ ماہ انسدادِ دہشت گردی کی عدالت نے نقیب اللہ محسود قتل کیس میں بڑی پیش رفت کرتے ہوئے واقعے کو ماورائے عدالت قتل قراردیا تھا۔

Comments

comments

یہ بھی پڑھیں