کراچی: نقیب اللہ محسود قتل کیس کے 7 اشتہاری ملزمان نے عدالت میں سرنڈر کر دیا۔
تفصیلات کے مطابق نقیب اللہ محسود قتل کیس کے مقدمے میں اشتہاری ملزمان نے عدالت میں سرنڈر کر دیا، سب انسپکٹر امان اللہ مروت، شعیب شوٹر سمیت 7 ملزمان انسداد دہشت گردی عدالت پہنچ گئے۔
ملزمان نقیب اللہ قتل کیس میں مقدمے کی ابتدا سے مفرور تھے، جس پر انھیں انسداد دہشت گردی کورٹ نے اشتہاری قرار دے دیا تھا، ملزمان سندھ ہائیکورٹ سے حفاظتی ضمانت کے بعد انسداد دہشت گردی عدالت میں پیش ہوئے ہیں۔
یاد رہے کہ نقیب اللہ قتل کیس میں راؤ انوار سمیت 18 ملزمان بری ہوئے تھے۔ نقیب اللہ محسود کو 13 جنوری 2018 کو کراچی کے ضلع ملیر میں ایک جعلی مقابلے کے دوران مارا گیا تھا۔
