بھارتی جارحیت کیخلاف پاکستانی متحد،عوام کا مودی کو کرارا جواب -
The news is by your side.

Advertisement

بھارتی جارحیت کیخلاف پاکستانی متحد،عوام کا مودی کو کرارا جواب

کراچی / ژوب / پشاور / خان پور : بھارت کے جارحانہ عزائم کیخلاف پاکستانی عوام کے حوصلے بلند ہیں۔ وطن کے تحٖفظ کیلئے فوج چوکنی اورعوام فوج کے شانہ بشانہ ہے۔

مختلف شہروں میں عوام نے احتجاج کرتے ہوئے مودی سرکار کو کرارا جواب دیا۔ تفصیلات کے مطابق ملک کے مختلف شہروں میں بھارتی جنگی جنون کیخلاف پاکستانی عوام اٹھ کھڑے ہوئے اوربھارت مودی سرکارکو للکارتے ہوئے پاک فوج سے اظہار یکجہتی کیا۔

ژوب میں سول سوسائٹی اورقبائل نےبلوچستان میں “را” کی مداخلت اورمودی کےبیانات کیخلاف مظاہرہ کیا۔ مظاہرین نے خبردارکیا کہ قوم پاک فوج کے شانہ بشانہ ہے مودی سرکار مہم جوئی سے باز رہے۔

مظاہرین نے مودی کے پتلوں پر تھپڑوں کی بارش کردی اور بھارتی پرچم جلائے گئے، خان پور میں بھی بھارت کے جارحانہ عزائم کیخلاف عوام کےحوصلے بلند ہیں۔

شہریوں نے ڈنڈا بردارفورس بنالی کہا کہ حوصلے اتنے بلند ہیں کہ نہتے ہی میدان میں اترآئیں گے، پشاور میں بھی طلبہ نے ریلی نکالی۔ اس موقع پر طلبہ نے وطن سے یکجہتی کا اظہار کیا اور بھارت کیخلاف شدید نعرے بازی کی۔

 

Comments

comments

یہ بھی پڑھیں