The news is by your side.

Advertisement

نریندرمودی فیس بک پردنیا کے مقبول ترین سیاست دان بن گئے، تحقیقی رپورٹ

جنیوا : بھارتی وزیراعظم نریندرمودی کی فیس بک پر بے پناہ شہرت حاصل کرنے کے بعد دنیا کے مقبول ترین سیاست دان بن گئے، لیکن یہ مقبولیت صرف فیس بک تک محدود ہے۔

تفصیلات کے مطابق بھارتی وزیر اعظم نریندر مودی کے بھارت اور اپنے شہریوں کے لیے عالمی سطح پر کیے گئے اقدامات کے باعث سماجی رابطے کی ویب سائٹ فیس پر مداحوں کی تعداد میں مزید اضافہ ہوتا جارہا ہے۔ گذشتہ روز شائع کی گئی تحقیقی رپورٹ میں بتایا گیا ہے کہ فیس بک پر عالمی رہنماؤں کی فہرست میں مودی کی ڈونلڈ ٹرمپ سے بھی آگے ہیں۔

غیر ملکی تحقیقاتی ادارے کی رپورٹ میں بتایا گیا ہے کہ گذشتہ برس نریندر مودی کے فیس بک پیج مداحوں کی تعداد میں 11 فیصد کا اضافہ دیکھنے میں آیا ہے جس کے بعد فیس بک پر مودی کے مداحوں کی تعداد 4 کروڑ 32 لاکھ ہوگئ ہے جو امریکی صدر ٹرمپ سے بھی کہیں زیادہ ہے۔

دنیا کی سپر پاور سمجھے جانے والے ملک امریکا کے موجودہ صدر ٹرمپ عالمی رہنماؤں کی فہرست میں تو پہلے نمبر پر ہیں لیکن فیس بک کی فہرست ٹرمپ کا 2 کروڑ 13 لاکھ مداحوں کے ساتھ دوسرے نمبر پر ہیں۔ جبکہ ٹوئٹر پر ٹرمپ 5 کروڑ 14 لاکھ فالوورز کے ساتھ پہلے جبکہ مودی 4 کروڑ 23 لاکھ فالوورز کے ساتھ دوسرے نمبر پر برجمان ہیں۔

تحقیقی رپورٹ شائع کرنے والے ادارے برسون مارٹسٹیلر نے رپورٹ میں بتایا ہے کہ دنیا بھر کے سربراہان مملکت سماجی رابطوں کی ویب سائٹ کو کس طرح استعمال میں لاتے ہیں، رپورٹ میں واضح کیا گیا ہے کہ سب سے پہلے سابق امریکی صدر باراک اوبامہ نے سنہ 2007 میں فیس بج پر اپنا ذاتی اکاؤنٹ بنایا تھا، جب وہ امریکا کے سینیٹر تھے۔

تحقیق کاروں نے رپورٹ میں واضح کیا ہے کہ فیس بک کی دنیا میں اردن کی ملکہ رانیا تیسرے نمبر ہیں، جن کے 1 کروڑ 60 لاکھ فالوورز موجود ہیں۔

کمبوڈیا کے وزیر اعظم ہون سن شوٹ پانچویں نمبر پر ہے جن کے فیس بک فالوورز کی تعداد 96 لاکھ ہے، حیرت انگیز بات یہ ہے کہ مذکورہ تعداد کمبوڈیا کے فیس بک صارفین سے بھی زیادہ ہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں